«Россиянинг энг ифлос шаҳарлари» рейтинги эълон қилинди

Минусинск, Абакан ва Новгород Россиядаги ҳавоси энг ифлос шаҳарлар антирейтингида юқори ўринни эгаллади. Бу ҳақда «Россия экологик платформаси» хабар бермоқда.

Красноярск ўлкасининг Минусинск шаҳри ҳаво сифати энг ёмон бўлган шаҳарлар рейтингида биринчи ўринни эгаллади. 2022 йилда унинг ифлосланиш даражаси кунига ўртача бир куб метрга 121 микрокилограмм газсимон ифлослантирувчи моддаларни ташкил етди.

Абакан ва Новгород мос равишда 73 ва 54 микрокилограмм билан иккинчи ва учинчи ўринларни эгаллади.

Бошқа бир рейтингда Москва, Санкт-Петербург, Грозний, Магнитогорск ва Владимир энг юқори ҳаёт даражасига эга шаҳарлар дея топилган.