Россия ҳарбийлари Германиянинг "Leopard" танкларини қўлга киритди (видео)

Россия ҳарбийлари Украинада ўтказилаётган махсус ҳарбий операциядаги жангда Германиянинг "Леопард" танкларини эгаллаб олишди. Россия Мудофаа вазирлиги қўлга киритилган Ғарб техникаси акс этган видеони кўрсатди.

"Мана, фрицларнинг роса мақталган "Леопард"и <...> Россияга шон-шарафлар бўлсин!" - дейди видеода танк ёнида бўлган россиялик жангчи.

Танк “Leopard 2A6”нинг ўзига хос ҳимоя минорасига эга. Россия Мудофаа вазирлигининг аниқлик киритишича, кадрлар Запорожье йўналишида россиялик ҳарбийлар томонидан суратга олинган.

Видеода қўлга киритилган Американинг "Bradley" пиёда жанговар машинаси ҳам кўрсатилган.

“Айрим жанговар машиналар – ишлаб турган двигателлар билан. Бу жанг жуда тез бўлиб ўтгани ва Украина Қуролли кучлари жанговар машиналари экипажлари жангга қодир техникани ташлаб қочганини англатади”, - дейилган хабарда.