Яқин Шарқ манбаларининг хабар беришича, Россия ҳарбий полицияси Суриянинг турли жойларида «Вагнер» ХҲК ходимларини ҳибсга ола бошлаган.
Гўёки Беларусда бўлган Евгений Пригожин ФСБнинг Санкт-Петербург ва Ленинград вилояти бўйича департаментига шахсан ўзи Мудофаа вазири Сергей Шойгудан олган "Глок" тўппончасини, шунингдек, ўн миллиард рубл ва тинтув чоғида қўлга киритилган бошқа мол-мулкларини олиб кетиш учун келган пайтда Сурияда унинг юқори мартабали ходимларини ҳибсга олиш бошланди.
Ҳозирда Россия ҳарбий полицияси Сурия жанубидаги Сувайда шаҳридаги «Вагнер» ХҲК бўлими раҳбарини, шунингдек, Хмеймим авиабазасида гуруҳнинг учта “юқори мартабали қўмондони”ни ҳибсга олгани маълум қилинган. Бундан ташқари, Дейр аз-Зор, Ҳама ва Дамашқдаги хусусий ҳарбий компания офислари ёпиб қўйилган ва тинтув қилинган.
Ҳаммаси Сурия махсус хизматлари иштирокида содир бўлган.
Бироқ кимдир энди Сурияда ҳам “Вагнерчи”ларнинг куни битди, деса, қаттиқ адашади. Куни кеча америкалик юқори мартабали амалдорлардан бири ҳақли равишда таъкидлаганидек, "Вагнер Москва учун ундан воз кечиш мумкин бўлмаган самарали воситадир". Сурияда бўлаётган “томоша”лар эса Россия Мудофаа вазирлиги томонидан Суриядаги "мусиқачилар" бўлинмасини ўзиники қилиб олишдан бошқа нарса эмас.
Тадбирнинг мақсади оддий – ребрендинг ва раҳбарларни ўзгартириш, янги иш берувчилар билан "Вагнер операторлари" шартномаларини қайта имзолашдир.
Нега улар айнан шу қадар фаол ҳаракат қилишди?
2016 йил апрел-май ойларида Палмира рус армияси томонидан "озод қилинган” эди. Ўшанда уни "Вагнер" олган бўлса-да, аллақандай ёлланма аскарлар Шойгунинг генералларидек шарафга лойиқ эмас, деб ҳисоблашди. Натижада “мусиқачи”ларга медаллар, асосий ғалаба эса армия генералларига бўлди. Сўнг Суриядан "мусиқачиларни" қувиб чиқаришни бошлашди.
Бироқ бир неча кундан сўнг, кутилмаган ҳужум пайтида атиги 500 ИШИД жангариси жиддий жангларсиз "дунёнинг иккинчи армияси"ни Палмирадан қувиб чиқарди. Нотавон генераллар яна “вагнерчи”ларга ялинди. Улар келиб Палмирани қайтариб олиб, Дайр-аз-Зор ва Маядинга етиб борди. Шу тариқа рус армияси ва “Вагнер” ўртасида кўринмас нафрат, ғайирлик пайдо бўлган эди.
Юқорида айтиб ўтганимиздек, Кремлнинг кун тартибида уни тугатиш масаласи йўқ, гап фақат уни қайта бўйсундириш ҳақида кетмоқда. Айнан "Вагнер" ёки гуруҳнинг энди қандай номланишидан қатъи назар, Москва офисларида шиддатли кураш, балки ҳақиқий жанг бошланди. Унинг натижасини эса яқин келажакда кўришимиз мумкин.
“Замин” янгиликларини “Одноклассники”да кузатиб боринг![Дунёдаги энг бахтли шаҳарлар рейтинги эълон қилинди расм](/uploads/posts/2024-09/xea7913afd5_rruz7gtmlogezu4bthxmjnlq0qzqis.webp.pagespeed.ic.aYZHXPSmgf.webp)
![Оятуллоҳ Хоманаий: “Йўқотишларга қарамай, “Ҳизбуллоҳ” кучли бўлиб қолади” расм](/uploads/posts/2024-09/x6b5e47c058_756695903034548-tn4puqtu.webp.pagespeed.ic.WMI92Nxl-P.webp)
![Ҳиндистон БМТни ислоҳ қилишга чақирди расм](/uploads/posts/2024-09/xc343d9c016_mid-skjrreyv.webp.pagespeed.ic.j_oyqi5VPm.webp)
![Трамп Эрон томонидан ўлим таҳдиди ҳақида огоҳлантирилди расм](/uploads/posts/2024-09/x692adf21c8_photo_2024-09-25_19-07-45-jlxrlpzp.webp.pagespeed.ic.nWGuZa9OU1.webp)
![Яқин Шарқ катта уруш остонасидами? расм](/uploads/posts/2024-09/x4572670ad6_r7ps3sswy6q_scdhoujprtlje_f9ghch_medium.webp.pagespeed.ic.iyPNWYw2xE.webp)
![Лукашенко НАТО давлатларига ядровий зарба беришга тайёрлигини маълум қилди расм](/uploads/posts/2024-09/x3622988dbd_dushynphq9mhzzsyoyrw-kz6ilqdi98d.webp.pagespeed.ic.MdXoXgqHZv.webp)
![Зеленскийнинг АҚШга ташрифи: Трамп «Украина энди йўқлиги»ни айтди расм](/uploads/posts/2024-09/x6eccccf4b6_ejwha3z-bxhn2irdbhpj4w0eiu5xhfoj.webp.pagespeed.ic.h0Z7XgkzZh.webp)
![Столтенберг: “Россия НАТОни қўрқитишга ҳаракат қилмоқда” расм](/uploads/posts/2024-09/x3d47e6fe27_photo_2024-09-27_20-47-05-nm9m-vdj.webp.pagespeed.ic.mG5UDnuiFD.webp)