“Қаттиққўл йигит”. Жорж Буш Зеленскийни техасликларга ўхшатди

Украина президенти Владимир Зеленский шу қадар “қаҳри қаттиқ” одамки, у Техасдан бўлса керак, деди Америка собиқ етакчиси кичик Жорж Буш 8 сентябрь куни Киевда бўлиб ўтган “Ялта конференцияси”даги онлайн иштироки чоғида.

 “У қаттиққўл йигит, ҳақиқий техаслик”, — деб ҳазиллашди ўзи Техасда улғайган Буш.

Россия президенти Владимир Путинга таъриф берар экан, Буш у янги империя қураётганини ва шунинг учун Украинага босқинни тўхтатиши даргумонлигини айтди.

“Агар Путин шундай давом этса, Польша, Литва ва Латвия каби давлатларга ҳам АҚШнинг ёрдами керак бўлади”, — деди у.

Буш Украинадаги вазият АҚШ хавфсизлиги учун муҳим эканини таъкидлади.

“Зеленский каби одамлар жасорат кўрсатганда, АҚШ уларни қўллаб-қувватлаши керак”, — деб таъкидлади собиқ президент.

Шунга қарамай, Бушнинг фикрича, вақт ўтиши билан америкаликларни Украинага ёрдам бериш АҚШ манфаатларига мос эканига ишонтириш қийинлашади.

“Аввало, Украина коррупцияга қарши курашиши керак. Ҳукуматдаги сўнгги ўзгаришлар менга Зеленский шундай ниятда эканини кўрсатди”, — деди Буш.

Илгари Жорж Буш Украина президенти Владимир Зеленскийни “замонамизнинг Уинстон Черчилли” деб атаганди.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Кўп қутбли дунёда – Туркия ва туркий бирлик

Кеча, 21:18

Путин Пасха муносабати билан 30 соатлик оташкесим эълон қилди

Кеча, 21:00

Пекинда одамлар ва роботлар ўртасидаги илк марафон бўлиб ўтди

Кеча, 20:40

АҚШда Украинага ёрдам бўйича мунозаралар сусаймоқда

Кеча, 20:20

Дубай шоколади писта нархини кескин оширди

Кеча, 15:48

Оқ уй: COVID-19 инсон томонидан яратилган ва Ухан лабораториясидан чиққан

Кеча, 15:37