ҲАМАС асирлигидан озод этилган америкалик аёл ва унинг қизи ўзини яхши ҳис қилмоқда ва ҳозирда барча зарур ёрдам кўрсатилмоқда. Гаровдагининг аҳволи тафсилотларини қизнинг отаси Ури Раанан Daily Mail нашрига берган интервьюсида маълум қилди.
17 ёшли Натали Шошана Раанан ва унинг онаси, 59 ёшли Жудит Таи Раанан 13 кун давомида ҲАМАС ҳаракати томонидан асирда бўлган. Аёллар жароҳатларсиз Фаластин ҳудудини тарк этишган.
«У (қизи) ўзини яхши ҳис қилаяпти. <...> У менга улар унга яхши муносабатда бўлишганини ва ҳаммаси жойида эканини айтди», — дейди Ури Раанан. Собиқ маҳбуснинг акаси Беннинг қўшимча қилишича, унинг синглиси бошидан кечирган воқеаларга қарамай «супермоделга ўхшайди».
Эслатиб ўтамиз, 20 октябр куни «Ал-Қассам» бригадаси (ҲАМАС ҳаракатининг ҳарбий қаноти) Қатар воситачилигида икки нафар АҚШ фуқароси, она ва унинг қизини озод қилди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
