Нидерландияда қамоқхона қўриқчилари етишмаслиги сабабли кўп жиноятчилар очиқда қолмоқда

^{Фото: Google Images}
Нидерландияда жазони ижро этиш муассасаларида ходимлар етишмаслиги сабабли 1800 нафарга яқин маҳкум ҳақиқий жазони ўташ учун навбат кутмоқда, деди мамлакатнинг ҳуқуқий ҳимоя вазири Франк Уэрвинд парламентда. Бу ҳақда NL Times ёзди.

Унинг тушунтиришича, мамлакатда қамоқхона камералари етарли, бироқ уларни назорат қиладиган қўриқчилар етишмаяпти. Кадрлар етишмаслиги сабабли вазир 2023 йил охирида камераларни фақат полиция томонидан қўлга олинганлар, шунингдек, тергов ҳибсхонасида сақланаётганлар учун ажратишни буюрди.

Ўз айбига иқрор бўлиб, полицияга мурожаат қилганлар ҳозирча қамоққа тушмайди. Бундай чора-тадбирлар натижасида вазирнинг сўзларига кўра, озодликда қолиб, қамоқхонага жўнатилишни кутаётган маҳкумлар сони ортиб бормоқда. Франк Уэрвинд бу вазият қанча давом этишини билмаслигини тан олди.

Кадрлар тақчиллиги бутун жамиятга таъсир кўрсатмоқда ва ҳозирда одамларни жазони ижро этиш муассасаларида ишлашга жалб қилиш ва уларни ўша эрда ушлаб қолиш чоралари муҳокама қилинмоқда, дея қўшимча қилди вазир. “Замин” янгиликларини “Telegram”да кузатиб боринг