Россия Украинада 15 мингдан ортиқ техникасини йўқотди

^{Архив фото: Yahoo}
Россия Украина шарқидаги ҳарбий ҳаракатлари натижасида шу кунга қадар 15 мингга яқин ҳарбий техникасини йўқотган. Бу ҳақда Тhе Kyiv Independent нашри хабар берди.

Манбага кўра, 24 март куни Украинага кенг кўламли босқин бошланганидан бери Россия кучлари томонидан йўқотилган автомобиллар, самолётлар, денгиз кемалари ва қурол тизимлари сони 15 мингдан ошиб кетган. Ҳозирда мавжуд техниканинг бир қисми ҳам ишдан чиққан бўлиши мумкин.

Ҳарбий ҳаракатларда Россия 2856 та танк, 135 та вертолёт, 106 та самолёт, 20 та денгиз кемаси ва битта сувости кемасини йўқотган. Асл рақамлар бундан каттароқ бўлиши мумкинлиги айтилган.

Манбалар йўқотилган техниканинг катта қисми совет даврида ишлаб чиқарилган эски техникалар бўлганини маълум қилган. «Замин»ни Telegram’да ўқинг!