Фото: gov.kz
Қозоғистонда сув тошқини туфайли Абай, Ақтўбе, Қўстанай ва Ғарбий Қозоғистон вилоятлари аҳолиси эвакуация қилинмоқда. Бу ҳақда Қозоғистон Фавқулодда вазиятлар вазирлиги хабар берди.
Қайд қилинишича, ҳозиргача 1400 нафардан ортиқ одам ўз уйини ташлаб кетган. Булар асосан ҳаво ҳароратининг кескин ошиши ва бир неча кундан бери тўхтамаётган ёмғир туфайли сув босган кичик аҳоли пунктлари аҳолисидир.
Кеча тунда Қўстанай вилоятининг Экидин, Оққиси, Қизилжулдиз, Янгиқала қишлоқлари ва тўққизта қўналға аҳолиси сув босган ҳудудлардан эвакуация қилинган. Операцияда Ми-171Ш, Ми-17 ва Ми-8 транспорт-жанговар вертолётлари экипажлари иштирок этмоқда.
Эвакуация қилинганларнинг барчаси Орқалиқ шаҳридаги эвакуация пунктларига етказилди, деб хабар қилди Қозоғистон Мудофаа вазирлиги.
Қўстанай вилояти Фавқулодда вазиятлар бошқармаси бошлиғи Қайрат Қосим минтақадаги вазиятни изоҳлар экан, бундай сув тошқини 1990 йилдан бери бўлмаганини айтди.
«30 йилдан ортиқ ҳеч ким бунақасини кўрмаган! Ёғингарчилик жуда тез бошланди. Қор захираси тахминан 200 фоизни ташкил этди, ер юзи 40 см дан 1 метргача музлади, оқибатда сув сингмади ва аҳоли пунктларига оқди», деди у. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Германияда ишлаш истагида бўлган ўзбекистонлик мутахассислар учун немис тили ўргатилади
Зоир Мирзаев “Телефонсиз мактаб”га 300 млн сўм мукофот берди
Испания ва Греция Киевга Patriot тизимларини етказиб беришдан бош тортди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди