АҚШ Россияга қарши янги санкцияларни эълон қилди. Москва биржаси чоршанба куни АҚШ Ғазначилиги уни санкциялар рўйхатига қўшганидан кейин доллар ва еврода савдони тўхтатишини эълон қилди.
Шунингдек, Россия валюта бозорида доллар савдосида воситачилик қилувчи Миллий клиринг маркази ва Миллий ҳисоб-китоб депозитарийси ҳам санкцияларга тортилди.
Биржа хабарида келтирилишича, 13 июндан бошлаб «Валюта бозори ва қимматбаҳо металлар бозорида АҚШ доллари ва евро мустасно ҳолатда барча инструментлар бўйича савдолар амалга оширилмоқда».
Худди шундай чекловлар АҚШ доллари ва еврода ҳисоб-китоб қилинган дериватив воситалар бўйича ҳисоб-китоблар тўхтатилган фонд ва пул бозорларига ҳам татбиқ этилади.
Россия Марказий банки биржадан ташқари бозорда доллар ва евро билан операцияларни амалга оширишда давом этишини қайд этди.
«Компаниялар ва жисмоний шахслар Россия банклари орқали АҚШ доллари ва еврони сотиб олиш ва сотишда давом этишлари мумкин. Фуқаролар ва компанияларнинг ҳисобварақлари ва депозитларидаги АҚШ доллари ва евродаги барча маблағлар хавфсиз бўлиб қолмоқда. Фуқаролар ва ташкилотларнинг АҚШ доллари ва евродаги омонатлари ва ҳисобварақлари учун Россия банки томонидан ўрнатилган маблағларни чиқаришнинг аввалги тартиби сақланиб қолади», — дейилади хабарда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркия Россияга «Крокус»дан кейин янги терактнинг олдини олишга ёрдам берди
Зеленский Украина бўйича саммитнинг “ҳаракат режаси”ни Россияга юбормоқчи
Ким Чен Ин Россиянинг Украинага ҳужумини тўлиқ қўллаб-қувватлайди
Путин 24 йил ичида илк бор Шимолий Кореяга ташриф буюрди
Путин ва Ким Чен Ин нима учун дўстлашмоқчи?
Элдор Шомуродов жамоасиз қолмайди
Кам қувватда ишлаётган педагогика коллежлари негизида боғча ва мактаблар ташкил этилади
Ким Чен Ин Россияни “энг ҳалол дўст ва иттифоқчи” деб атади