Украина терговчилари Киевда қозоғистонлик мухолифатчи журналист Айдос Содиқовга суиқасд уюштирган шахсларни аниқлаганини маълум қилди.
Украина Бош прокуратураси сайтида Қозоғистоннинг икки фуқароси – 1988 йилда туғилган Олтой Жаканбоев ва 1991 йилда туғилган Мейрам Қоратоевга нисбатан гумон эълон қилинди.
Гумон матнида айтилишича, улар 2 июн куни Киевга келиб, Содиқов устидан кузатув ўрнатган. Машина сотиб олиб, жабрланувчининг саёҳат йўллари ҳақида маълумот тўплай бошлаган.
Шунингдек, улар овоз ўчиргичли тўппонча сотиб олиб, жиноят содир бўлган жой яқинидаги квартирани ижарага олган. Суиқасд содир этилган куни улар Содиқов яшаётган уйга машинада борган. Қоратоев уни кираверишда тўппонча билан кутиб турган, Жаканбоев эса атрофдаги вазиятни кузатган.
Содиқовнинг машинаси кираверишда тўхтаганидан сўнг, Қоратоев унга яқинлашиб, жабрланувчининг бошига ўқ узган. Жиноят жойини тарк этгач, йигитлар қуролни Киев ҳайвонот боғига улоқтиришган.
Гумонланувчилар жиноят содир этилган куни Молдова билан чегарани кесиб ўтган, улар халқаро қидирувга берилган, деб хабар берди Украина Миллий полицияси.
Киев суди уларга нисбатан қамоққа олиш тарзидаги сиртдан эҳтиёт чорасини танлади. Бундан ташқари, тергов маълумотларига кўра, гумонланувчилар 2 июн куни Украина ҳудудига Полша орқали кириб келган.
Қайд қилинишича, терговга қадар тергов ҳаракатлари давом эттирилиб, гумонланувчиларни ушлаш чоралари кўрилмоқда.
Қозоғистон Ички ишлар вазирлиги 21 июн куни Мейрам Қоратоев ички ишлар органларидан 2019 йилнинг январида бўшатилгани ва ҳозир полициячи эмаслигини маълум қилди. Қозоғистон президенти Қосим-Жўмарт Тўқаев ҳуқуқ-тартибот идораларига гумонланувчиларнинг манзилини аниқлашни топширди.
Қайд этилишича, Қозоғистон томони Украина ҳуқуқ-тартибот идоралари билан, жумладан, Интерпол орқали ҳамкорлик қилишга тайёр.
18 июн куни Киевда қозоғистонлик мухолифатчи журналист Айдос Содиқовга суиқасд уюштирилди. Содиқов оғир аҳволда шифохонага ётқизилган.
Айдос Содиқов бир неча бор Қозоғистон ҳукуматини танқид қилгани, шунингдек, 2022 йил январидаги намойишларни қўллаб-қувватлагани, шунингдек, Қозоғистон президенти Қосим-Жўмарт Тўқаевни россияпарастликда айблаган кескин танқидлари билан танилган.
У 2014 йилда қочқин мақомини олган ва Украинага оиласи билан кўчиб ўтган эди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Лионель Месси: "Мендаги бу характер фарзандларимга хам ўтган"
Қарши давлат университетида пичоқланган қизнинг аҳволи ҳақида маълумот берилди
Шимолий Корея жанубга 350 га яқин чиқинди шарлари учирди
Суд Ходорковский ва Лебедевнинг пулларини мусодара этиш ҳақида қарор чиқарди
Европа Иттифоқи Грузия учун “эшиклар” қачон ёпилишини айтди
Актёр Вуди Ҳаррельсон смартфондан воз кечгани ҳақида: “Ортиқча ва чалғитувчи предмет”
Лионель Месси: «Ўзимни ўлдиришни истаганман»
“Сирдарё сув таъминоти” АЖнинг 3 нафар ходими чиқинди сувни ҳайдайдиган қувурга тушиб кетди
