Фото: Видеодан кадр
16 июл куни Ўзбекистон бош вазири Абдулла Арипов ҳамда Осиё Олимпия кенгаши вице-президенти Отабек Умаров Чеченистоннинг Грозний шаҳрида ўтказилаётган Кавказ инвестиция форуми доирасида ҳудуд раҳбари Рамзан Қодиров билан учрашди.
Қодиров ўз телеграм каналида суҳбат чоғида қатор соҳалардаги минтақавий ҳамкорликнинг асосий масалалари ва стратегик шериклик муносабатларини ривожлантириш масалалари муҳокама қилингани ҳақида ёзган.
У ўз постида Ўзбекистон президенти Шавкат Мирзиёевни «муҳтарам катта оға» деб атаган ва йўлланган самимий тилаклар учун миннатдорчилик билдирган.
«Чеченистонда биз Ўзбекистон билан яқин қардошлик муносабатларини юксак қадрлаймиз ва бу алоқаларни янада мустаҳкамлашга интиламиз.
Абдулла Нигматович муҳтарам катта оғамиз, Ўзбекистон президенти Шавкат Мирзиёевнинг энг самимий тилакларини етказди. Мен Шавкат Миромоновичга илиқ сўзлар учун миннатдорчилик билдираман. Бош вазир РФ президентининг яқинда амалга оширилган ташрифи Россия ва Ўзбекистон муносабатларида янги саҳифа очганини айтиб ўтди.
Шубҳасиз, Ўзбекистон бой маънавий-маданий меросга эга давлат. Биз қардош мамлакатимиз раҳбариятининг маданий, бизнес ва иқтисодий алоқаларни кенгайтиришга қаратилган қадамларини юксак қадрлаймиз.
Ишончим комилки, Кавказ инвестиция форуми ҳудудларимиз иқтисодиётини ривожлантириш учун мутлақо янги имкониятлар очади», — деб ёзади Рамзан Қодиров.
Шундан сўнг Чеченистон раҳбари ўзбекистонлик меҳмонларни Грозний халқаро аэропортидан кузатиб қўйган
Маълумот учун, 15 июл куни Грознийда, Чеченистон раҳбари қароргоҳида ҳамда «Павилён «Стройкар» кўргазмалар марказида Кавказ инвестиция форуми бошланган.
Бу йилги форумнинг асосий кўргазма экспозицияси доирасида Доғистон, Чеченистон, Ингушетия, Шимолий Осетия – Алания, Қабордин-Болқор, Карачаево-Черкесия республикалари, Ставропол ўлкаси, шунингдек Абхазия ва Жанубий Осетия республикаларининг инвестиция лойиҳалари тақдим этилмоқда. Республикалар ва Шимолий Кавказ федерал округи компаниялари экспозициялари минтақанинг инвестициявий ва иқтисодий салоҳиятини, ривожланишнинг асосий йўналишларидаги ютуқларини намойиш этиши, шунингдек, ишбилармонлар ўртасида алоқалар ўрнатиш ва ҳамкорлар топиш учун платформа сифатида хизмат қилиши кўзда тутилган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Селдерей, сабзи ва қанд миқдорини оширувчи кутилмаган бошқа маҳсулотлар
Эрон Трампни йўқ қилишни режалаштирган
Рўзиқул Бердиев: "Яхши спорт формага кириб олиш учун астойдил меҳнат қилишимиз керак"
Афғонистонда энергетик ичимликлар сув ва чой ўрнини эгалламоқда
Бу жамоа учта зўр футболчини “синдиргани” шунчаки тасодиф эмас!
ФТБ: Трампга ўқ узган шахс ёлғиз ўзи ҳаракат қилган
Евро—2024 рамзий терма жамоаси эълон қилинди
Ҳиндистонда тўй эгаси келган меҳмонларга 250 минг долларлик соат совға қилди
