Фото: Reuters
АҚШ президентлигига номзод Дональд Трампга суиқасд қилган 20 ёшли Томас Крукс яна бир шов-шувли ҳужумни амалга оширмоқчи бўлган. У Буюк Британия қироллик оиласи аъзосига суиқасд қилишни режалаштирган. Бу ҳақда The Telegraph хабар берди.
Томас Крукс 13 июль куни Пенсилваниядаги сайловолди митингида Трампга қарата ўқ узганидан кейин Махфий хизмат агентлари томонидан отиб ўлдирилган. Сиёсатчи қулоғидан енгил жароҳат олган, унинг ортида турган эркак ҳалок бўлган, яна икки киши оғир яраланган.
Эндиликда Федерал қидирув бюроси (ФҚБ) йигит Британия қироллик оиласининг аъзосини ҳам нишонга олишни режалаштиргани ҳақида ҳисобот эълон қилди. Хусусан, Крукс ўлими олдидан интернетда қироллик оиласи аъзоси (исми келтирилмаган) ҳақида маълумот қидирган.
Шунингдек, АҚШнинг юқори мартабали шахслари, жумладан, ФҚБ директори Кристофер Рей ва АҚШ бош прокурори Меррик Гарланд ҳақида ҳам маълумот изланган. Терговчилар Крукснинг қурилмаларида АҚШ президенти Жо Байден ва Дональд Трампнинг фотосуратлари, шунингдек, бўлажак митинглар саналари қайд этилган ёзувларни топган.
ФҚБ йигитнинг телефонига бузиб киргани, уйини тинтув қилгани, компьютерини текширгани ва 100 дан ортиқ одамни сўроқ қилганига қарамай, суиқасд мотиви ҳозирча ноаниқ қолмоқда. Суиқасддан бир неча кун олдин Крукс ўйин сайтларидан “13 июль менинг дебютим бўлади, бу қандай бўлишини кўринг”, дея ёзган.
Дональд Трампга суиқасд
АҚШ собиқ президенти Дональд Трамп 14 июль куни Пенсилваниянинг Батлер шаҳридаги сайловолди митинги пайтида яраланган эди. Ҳодиса акс этган видеода унинг чиқиши чоғида ўқ овозига ўхшаш товушлар эшитилган. Шундан сўнг Трамп қулоғини ушлаб ётиб олган. Қўриқчилар шу заҳоти Трампни ўраб олган. Президентликка номзод ўрнидан турганида қулоғидан қон оқаётганини кўриш мумкин. Махсус хизмат агентлари уни қуршаб олиб, ўрнидан туришига ёрдам берган ва саҳнадан олиб кетган.
Бу ҳодиса қотилликка уриниш сифатида баҳоланмоқда. Ўқ узган шахс махсус хизмат ходимлари томонидан ўлдирилган. АҚШнинг амалдаги президенти Жо Байден Трампнинг хавфсизликда эканини ҳамда ўзини яхши ҳис қилаётганини эшитганидан хурсандлигини билдирган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мадримов—Кроуфорд жангининг расмий постери эълон қилинди
Анжелина Жоли Бред Питтдан унга қарши даъвони қайтариб олишни сўради
Ўзбекистонда 22 июль куни ҳаво ҳарорати 41 даражага кўтарилиши кутилмоқда
Жиззахда 14 ёшли қиз бедарак йўқолди
Жигар касалликларининг ноодатий белгилари
Нетаньяху кутилмаганда Ғазо секторига борди (видео)
Қирғизистон ва Ўзбекистон маҳкумларни топшириш бўйича шартнома имзолади
Ўзбекистон терма жамоаси Тожикистон устидан иродали ғалабани қўлга киритди
