Фото: Видеодан кадр
Чоршанба куни эрта тонгда Москва шаҳридаги турар жой биноси ҳовлисида Toyota Land Cruiser русумли автомобил портлатиб юборилди. ОАВ машинада Россия мудофаа вазирлиги офицери бўлган бўлиши мумкинлиги ҳақида хабар берди. Бошқа версия ҳам бор: сунъий алоқа радиомаркази бошлиғи ўринбосари Андрей Торгашовнинг бу автомобилга алоқаси йўқ, унинг адашининг автомобили портлаган, аммо у ҳам ҳарбий.
Фото: Видеодан кадр
Ижтимоий тармоқларда эълон қилинган фото ва видеоларга кўра, портлаш кўп қаватли турар жой биноси ҳовлисида рўй берган. ОАВ рулга ўтирган эркак оғир жароҳатлангани, икки оёғи узилиб тушгани, унинг рафиқасининг юзида тилинган жароҳатлар борлиги ҳақида хабар берган. НТВ телеканалига кўра, йўлтанламас машина унга эр-хотин келиб ўтирганида, соат 6:30 атрофида портлаб кетган. Видеода ҳам шундай картинани кўриш мумкин.
ГРУ офицери портлатилгани тўғрисидаги версия
«Коммерсант» газетаси маълумот манбасини келтирмаган ҳолда Москва шимолида автомобил портлатилиши оқибатида жабрланган шахс «ГРУда хизмат қилиши ва ўз қисмида алоқа воситаларига масъул» экани ҳақида ёзди.
Бу версияни биринчи бўлиб Astra телеграм-канали эълон қилди. Каналдаги постда портлатилган Toyota Land Cruiser русумли жип Москва областидаги ҳарбий қисмнинг радиостанцияси бошлиғи ўринбосари Андрей Торгашовга тегишли экани айтилган.
Кейинроқ бу фамилия ТАСС давлат агентлиги хабарида ҳам келди. Унинг маълумотига кўра, автомобил чиндан ҳам ҳарбий хизматчи Торгашов ва унинг рафиқасига тегишли бўлган, уларнинг иккиси ҳам жароҳатланган.
Ички ишлар вазирлиги автомобилга ўрнатилган «номаълум предмет детонацияга учрагани» ва икки киши жароҳат олгани ҳақида хабар қилган. Россия Тергов қўмитаси ҳодиса Синявинская кўчасида рўй берганини тасдиқлаган (қўмитанинг эрталабки пресс-релизида «портлаш» сўзи ишлатилмаган).
«Коммерсант»га кўра, «жабрланувчининг шахсидан келиб чиққан ҳолда» терговчилар бошқа версиялар қатори «Украина махсус хизматлари ва уларнинг жосуслари ҳаракати» билан боғлиқ версияни ҳам ўрганмоқда.
ТАСС манбаси терговчилар Toyota Land Cruiser потлаши билан боғлиқ бир неча версияни кўриб чиқаётганини хабар қилган. «Улардан бирига кўра, портлаш транспорт воситасининг касбий фаолияти билан боғлиқ», — деган агентлик суҳбатдоши. ТАСС Торгашовни «махсус ҳарбий амалиёт» (Украинадаги уруш) иштирокчиси деб атаган.
Украина автомобил портлашига алоқадорлигини рад этган. Украина президенти офиси маслаҳатчиси Михайло Подоляк The Breakfast Show эфирида Киев мазкур ҳодисага алоқадор эмаслигини айтган. «Тушунишимча, у ерда бузуқ жиҳоз бўлган. Бунга ҳеч қандай алоқамиз йўқ», — деган Подоляк.
Муқобил версия
Бу вақтда «360.ru» телеграм-канали Андрей Торгашовнинг рафиқаси билан боғлангани ва у ўз турмуш ўртоғида «барчаси жойида» экани, ОАВда тарқалган маълумот — «фейк»лигини айтгани ҳақида хабар тарқатди. Канал аёл портлатилган автомобилда бошқа одам бўлганини айтганини ёзган.
Давлат томонидан молиялаштириладиган RT телеканали эса Торгашовнинг шахсан ўзи унинг машинаси Москвадаги автотураргоҳда портлатилганини рад этганини маълум қилди. RT уни сунъий йўлдош алоқаси радиомаркази бошлиғи ўринбосари деб атаган.
Хабарга кўра, Торгашов рўй берган ҳодиса ҳақида ишда ўтирганида ўқиган. У мазкур автомобилга умуман алоқаси йўқлигини таъкидлаган. «Мен ҳатто бу районда яшамайман. Мен умуман бошқа жойда истиқомат қиламан», — деган офицер.
«Агентство» нашри эса Торгашов билан боғланишга ҳаракат қилган, аммо телефон орқали қилинган қўнғироқ ҳам, телеграм орқали қилинган қўнғироқ ҳам овозли сигналдан кейин босиб қўйилган.
Baza телеграм-канал портлатилган машинада худди шу фамилиядаги, аммо юқорида тилга олинган ҳарбий қисмга алоқаси бўлмаган бошқа бир ҳарбий бўлганини хабар қилди.
«Агентство» эса вазиятга янада аниқлик киритди. Маълум бўлишича, чоршанба тонгида Москвада портлаган Toyota Land Cruiser аввал журналистлар хабар қилганидек стратегик ракета қўшинлари бошқарув маркази офицери Андрей Торгашовга эмас, балки РФ мудофаа вазирлиги бош штаби Бош бошқармаси штаб-квартирасида ишловчи офицер Андрей Торгашовга тегишли.
«Машина эгаси — полковник, Бош штаб бўлинмаларидан бирининг раҳбари. Ҳайдовчи ўриндиғи остига сиғими тахминан 500 грамм тротил бўлган портловчи қурилма ўрнатилган», — деган «Интерфакс» манбаси. Унинг сўзларига кўра, «тергов барча версияларни, жумладан „украин изи“ бўйича версияни ҳам ўрганмоқда».
ТАСС маълумотига кўра, қотиллик суиқасди (РФ ЖК 105-модда, 30-қисм) ва ўқотар қурол ва ўқ-дорига ноқонуний эгалик қилиш (РФ ЖК 222-модда) моддалари бўйича жиноий иш очилган. «Коммерсант» иш теракт сифатида қайта таснифланиши мумкинлигини тахмин қилган.
Интернетда тунда машина остига портловчи қурилма ўрнатилаётгани акс этган видео тарқалган.
Тергов қўмитаси ушбу иш бўйича гумонланувчининг шахсига аниқлик киритилгани ҳақида хабар берди. Терговчилар яна жабрланувчиларнинг фамилиясини келтирмаган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Соғлиқни сақлаш вазирлиги жазирамадан эҳтиёт бўлишга чақирди
Нетаньяху маҳбусларни алмашиш учун шартлар мавжудлигини эълон қилди
Фарғонада содир бўлган ЙТҲда бўлажак келин-куёв вафот этди
2034 йилда қишки Олимпия ўйинларига ким мезбонлик қилиши маълум бўлди
Форбес: “Яқин Шарқда катта уруш муқаррар”
«Қамчиқ» довонида «Equinox» автомобили ёниб кетди
Тошкентда ҳоким ёрдамчиси ўз онасини калтаклагани айтилмоқда
Париж-2024. Миср ва Доминикан ўртасидаги баҳсда Ўзбекистон учун қулай ҳисоб қайд этилди
