Фото: Associated Press
Республикачилар партиясидан президентликка номзод Дональд Трамп ўзининг демократ рақиби Камала Ҳарриснинг 4 сентябрь куни ўтказиладиган дебатда қатнашишни истамаслигини унинг “IQ даражаси паст” эканлигини билан изоҳлади.
Аввалроқ АҚШ вице-президенти, демократ Камала Ҳарриснинг сайловолди штаб-квартираси Дональд Трампнинг 4 сентябрь куни Fox News телеканалида дебат ўтказиш таклифини рад этган эди.
"Камала Ҳаррис менга қарши 4 сентябрь куни Пенсилванияда режалаштирилган ҳақиқий дебат ўтказишга ақлий салоҳиятга эга эмас. У телепромтерсиз тўғри гапира олмайди. Унинг IQ даражаси ниҳоятда паст", деб ёзди Трамп ўзининг Truth ижтимоий тармоғида.
Республикачининг сўзларига кўра, вице-президент Fox News телеканалидаги мунозарага келишдан қўрқади, чунки у очиқ чегаралар сиёсатини, инфляция ва амалдаги президент Жо Байденнинг маъмуриятини тавсифловчи АҚШ Федерал захира тизимининг юқори асосий ставкасини ҳимоя қила олмайди.
Трампнинг фикрича, Ҳаррис каби номзодлар билан Қўшма Штатлар дунёдаги ўз буюклигини тиклаш имкониятига эга бўлмайди.
Трамп ва Ҳаррис бир неча ҳафтадан бери баҳснинг санаси ва канали борасида келиша олмаяпти. Баҳсларнинг иккинчи раунди дастлаб 10 сентябрь куни АBC телеканалида бўлиб ўтиши керак эди. Ўшанда режалар АҚШнинг амалдаги президенти Жо Байденнинг иштирокини ўз ичига олган эди.
Шу муносабат билан Трамп аввалги келишувлар ўз аҳамиятини йўқотганини айтиб, АBC телеканалини демократларга ёнбосишда ва сохта хабарлар тарқатишда айблаган.
Дональд Трамп, Камала Ҳаррис, Дебат “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
К витамини нима учун керак ва уни қайси маҳсулотлардан олиш мумкин?
ҲАМАС етакчисининг ўғли: Ҳания қони Ғазодаги болалар қонидан устунроқ эмас
Эрдўған: 2024 йилги Олимпиада очилиш маросими ғазабга сабаб бўлди
ҲАМАС етакчиси Исмоил Ҳанияни ўлдиришдан кўзланган мақсад очиқланди
Холид Машал: ҲАМАС музокаралар олиб бормайди, ён босмайди ва Исроилни тан олмайди
“Ҳизбуллоҳ” Исроил шимолига ўнлаб ракеталар билан зарба берди
Британиялик журналист ўзбек спортчисининг мағлубиятидан норози бўлди
Фирибгарлик учун қидирувда бўлган ўзбекистонлик эркак Туркияда ушланди