Ливандаги сўнгги электр станцияси ёпилди ва мамлакат электрсиз қолди

^{Фото: Jerusalem Post}
Ливандаги сўнгги электр станцияси ёқилғи етишмаслиги туфайли ёпилди, оқибатда мамлакат ҳудуди электрсиз қолди. Бу ҳақда Électricité du Liban энергетика компаниясига таяниб Jerusalem Post хабар берди.

Қайд қилинишича, мамлакат бўйлаб энергия таъминоти тўхтатилган, жумладан, йирик шаҳарлар ва муҳим инфратузилма объектлари, жумладан, Байрут аэропорти, денгиз порти, сув насослари ва канализация тизимлари электрсиз қолган. Таъминот танқислиги туфайли аҳоли «иложи борича сувни тежашга» чақирилган.

Électricité du Liban мамлакатда электр энергияси ишлаб чиқаришнинг 90 фоизини назорат қилади. Компания ёқилғи таъминоти тиклангач, электр станцияларини қайта ишга туширишга ваъда бермоқда. Аввалроқ, мамлакат ҳукумати ёқилғининг янги партияси 20 августда етказилиши мумкинлиги ҳақида хабар берган эди. «Замин»ни Telegram’да ўқинг!