Мисрлик археолог Германиядан Нефертити бюстини қайтаришни талаб қилмоқда

^{Фото: Reuters}
Мисрлик таниқли арехолог ва қадимий ишлар бўйича собиқ вазир Захи Хавасс малика Нефертитининг бюстини Берлиндаги музейдан қайтариш талаби бўйича петицияни илгари сурди.

Нефертитининг оҳактошдан ишланган машҳур бюсти 1912 йилда Қоҳирадан 300 километр жанубда жойлашган Амарна масканидан немис археологи Людвиг Борхардт бошчилигидаги археологик миссия томонидан топилган. Бир йилдан кейин миссия артефактни Германияга юборган бўлиб, у Берлиндаги Янги музейнинг энг машҳур экспонатларидан бирига айланган.

Хавасс 7 сентябр куни эълон қилган петициясида бюст Мисрдан ноқонуний олиб чиқиб кетилганини таъкидлаб, унинг қайтарилишини талаб қилди.

Петиция муаллифлари Германия маданият вазири, Пруссия маданий мерос жамғармаси ва Янги музей маъмуриятини ушбу петицияни тинглашга ҳамда сўровга жавоб беришга чақирмоқда.

«Ичида Нефертитит бюсти бўлган артефактлар коллекциясини топиш бўйича олиб борилган қазилма ишлари ва уларни тақсимлаш бўйича қайд этилган ҳужжатлардан кўриш мумкинки, бюст Мисрнинг ўша вақтдаги қонунчилигига зид равишда олиб чиқиб кетилган», — дейди Хавасс.

Миср ва Германия ўнлаб йиллар давомида Нефертити бюсти устида тортишиб келади ва уни қайтариш бўйича аввалги бир неча уринишлар муваффақиятсизликка учраган. Ўтган йигирма йил ичида АҚШдан Европагача Миср ҳукумати халқаро полиция ва дипломатик идоралар ёрдамида мамлакатдан ноқонуний олибкетилган минглаб артефактларни ватанига қайтаришга эришган. “Замин” янгиликларини “Youtube”да кузатиб боринг