Фото: Getty Images
Украинадаги урушдан кейин нархлар охирги 14 йилда максимумга чиқиб кетган жаҳон нефт бозори қулашни бошлади. 10 сентябр кунги савдоларда Brent маркали нефтнинг баррели учун 70 доллардан камроқ таклиф этилди, ҳатто унинг нархи 68,68 долларгача тушди — бу 2021 йил 1 декабрдан бери кузатилган энг паст кўрсаткичдир.
Бир кун ичида нефт фючерслари қарийб 4 фоизга арзонлашди, икки ҳафта ичида эса қиймати 15 фоизга тушиб кетди. Натижада нефт бозори урушдан олдинги даражага қайтди: 2021 йилда Brent маркали нефтнинг баррели 60-70 доллар оралиғида эди.
Украинага уюштирилган ҳужумнинг дастлабки ҳафтасида нефт нархи максимумга чиққанди: 2022 йил 7 март куни Brent котировкалари баррели учун 139 долларгача кўтарилган бўлиб, шундан буён унинг қиймати икки баробардан ортиққа тушиб кетди. Россиянинг Urals маркали нефти нархи эса 60 долларни ташкил этган, июл ойида у 75 доллардан сотилаётган эди.
Нефт бозори асосий импортчи — Хитой иқтисодиёти секинлашгани туфайли қийинчиликларни бошдан кечирмоқда. Иккинчи чоракда Хитой ЯИМ 4,7 фоизни ташкил этган, бу январ-мартдаги кўрсаткичдан паст (5,3 фоиз эди) — компартия эса йилига 5 фоизли ўсишни талаб қилади.
Хитой томонидан нефт импорти биринчи ярим йилликда 11 фоизга тушиб кетган, июл ойида эса охирги икки йилдаги энг паст кўрсаткични қайд этган — кунига 10 миллион баррел. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ҳиндистонда полиция билан тўқнашувда камида 50 киши жароҳат олди
Ҳарбий контрразведка: Россия Германияга қарши жосусликни кучайтирди
Аёл кишининг суратларини интернетга қўйиб интим хизматлар таклиф қилган шахс ушланди
Сречко Катанец Қирғиз Республикасига қарши кечган қийин учрашувдан сўнг нималар деди?
Эрон бош мураббийи: Ўзбекистонда ҳам, бизда ҳам 6 очко бор. "Бунёдкор"даги ўйин қийин бўлади
Путин: “АҚШ Украинадан фойдаланиб Россияни мағлуб қилмоқчи”
Исроил ҲАМАС раҳбарига ҳаётини сақлаб қолиш эвазига келишув таклиф этди
Буюк Британия ядровий ҳалокат юз берган Фукусимада етиштирилган шафтолилар савдосини бошлади