Фото: Gage Skidmore
АҚШнинг Спрингфилд шаҳридаги Ҳаити диаспораси вакиллари АҚШнинг собиқ президенти Доналд Трампнинг орол давлатидан келган муҳожирлар уй ҳайвонларини ўғирлаб кетаётгани ва еяётгани ҳақидаги даъволари юзасидан Майами федерал судига даъво аризаси билан мурожаат қилди. 27 сентябрдаги ҳужжатда айбланувчилар рўйхатида республикачилар партиясидан вице-президентликка номзод Жеймс Дэвид Вэнс ва аввалроқ Трампнинг даъволарини қўллаб-қувватловчи хабарларни тарқатган Х ижтимоий тармоқ эгаси Илон Маск ҳам бор.
«Охирги икки ҳафта давомида ҳаитилик муҳожирлар »мушук ва ит ейиши» ҳақидаги даъволар ёлғон эканлиги ҳақида бир неча бор айтилган бўлса-да, айбланувчилар уни тарқатишда давом этмоқда. Бу баёнотлар ҳаитилик муҳожирларга туҳмат қилиш ва ҳаётини хавф остига қўйиш мақсадида тарқатиляпти», — дейилади баёнотда.
Туҳмат, нафрат қўзғатиш, зўравонликка ундаш ва ҳаитилик муҳожирлар фуқаролик ҳуқуқларини бузишга қаратилган фитна — бу The Haitian Diaspora PAC ва Office of the Haitian Diaspora гуруҳлари томонидан Трампга қўйилган айбловларнинг фақат бир қисмидир. «Ҳеч кимнинг бутун бир гуруҳ одамларга туҳмат қилишга, уларга қарши ёлғон тарқатиш орқали кундалик ҳаётини хавф остига қўйишга ҳақи йўқ», деб таъкидладилар даъво лойиҳаси муаллифлари.
Трамп муҳожирларни ит ва мушукларни еяётганликда айблади
Демократик партиядан президентликка номзод Камала Ҳаррис билан сайловолди дебатида Трамп ҳаитилик муҳожирларни мушук ва итларни еяётганликда айблаб, уларни Спрингфилддан оммавий равишда депортация қилишга ваъда берди. «Спрингфилдда улар итларни ейишади, мушукларни ейишади. У ерда яшовчи одамларнинг уй ҳайвонларини ейишади», — деди республикачи. Спрингфилд мэри Роб Рю ва шаҳар полицияси бу хабарларни рад қилди, бироқ Трамп тарафдорлари уларни тарқатишда давом этди.
Трампнинг баёнотлари ижтимоий тармоқларда кўплаб истеҳзоли изоҳлар ва постларни келтириб чиқарди. Шундай қилиб, жанубий африкалик мусиқачи The Kiffness Трампнинг сўзлари асосида Eating the Cats деб номланган сатирик трекни ёзиб чиқарди, у икки ҳафта ичида YouTubeʼда 9 миллиондан ортиқ кўрилди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ҳар пайшанба жисмоний тарбия ва спорт куни сифатида белгиланади
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Мeтаболизм секинлашганининг белгилари
Ҳусийлар Исроил авиабазасига гипертовушли ракета билан зарба берди
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Туркия ўзининг биринчи квант компютерини тақдим этди
