Фото: Associated Press
АҚШ собиқ президенти, Республикачилар партиясидан президентликка номзод Дональд Трамп Россия президенти Владимир Путин билан биринчи шахсий учрашувда ундан Украинага ҳарбий ёрдам бериш бўйича маслаҳат олган. Бу ҳақда Nеw York Тimes хабар берди.
Учрашув 2017 йил 7 июлда Гамбургда бўлиб ўтган. АҚШ собиқ давлат котиби Рекс Тиллерсон администрация ходимларига музокараларнинг қисқача мазмунини сўзлаб берган.
Нашр маълумотларига кўра, Трамп Украинага қурол етказиб бериш масаласини кўриб чиқаётганини айтиб, Путиндан “Бу ҳақда фикрингиз қандай?” деб сўраган. Путин эса бу хато бўлишини айтиб, АҚШ украиналикларга қандай ёрдам кўрсатмасин, “улар яна сўрашади” дея жавоб берган. NYT уч нафар амалдорга таяниб, АҚШ президенти бунга эътироз билдирмаганини ёзмоқда.
“Учрашувда Путин Украинага нисбатан нописанд муносабатда бўлган. Музокаралардан сўнг Тиллерсон АҚШ администрацияси ходимларини президентнинг Украина бўйича қарашини ўзгартириш учун ҳаракат қилишга чақирган” дейилади хабарда.
Президентлар 2017 йил 28 январдаги илк телефон суҳбатида ҳам Украина масаласини муҳокама қилган. Трамп биринчи бўлиб бу мавзуни кўтариб, Путиндан фикр сўраган. Россия президенти “бу давлатдаги коррупция” ҳақида гапиришни бошлаган, Трамп эса бунга эҳтиёткорлик билан ёндашган — у суҳбатдошининг фикрига қўшилмаган, аммо Украинани ҳимоя ҳам қилмаган.
“У Москва ва Киев ўртасидаги можаро АҚШнинг Россия билан муносабатларини яхшилашига тўсқинлик қилаётганини тан олган”, деб ёзади нашр. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
