Фото: AFP
Германия канцлери Олаф Шолц ва АҚШ президенти Жо Байден Украина ва Яқин Шарқдаги можароларни ҳал қилишда икки давлат ўртасида яқин ҳамкорлик борлигини тасдиқлади. «Бизни қийин қиш кутиб турибди ва биз бўшашмаслигимиз, чарчамаслигимиз керак», деди Байден 18 октябр, жума куни Берлинда Шолц билан музокаралар олдидан ўтказилган матбуот анжуманида. У Шолц ва Германия ҳукуматига Украина Россия бошлаган урушда ғалаба қозониши ва Россия президенти Владимир Путин мағлуб бўлишини таъминлаш бўйича «тинимсиз» ишлари учун миннатдорчилик билдирди.
Байденнинг сўзларига кўра, «Украинани адолатли ва барқарор тинчлик топмагунча» қўллаб-қувватлашни давом эттириш керак. Гарчи бу харажат Ғарб иттифоқчилари учун катта бўлиши мумкин бўлса-да, «бу тажовуз ҳукмрон бўлган, йирик давлатлар қўлидан келгани учун ҳужум қилиб, кичикроқ давлатларни қўрқитадиган дунёда яшаш нархига нисбатан пастроқ», деди президент.
Германия канцлери, ўз навбатида, Германия Украинани қанча керак бўлса, шунча қўллаб-қувватлашини айтди. «Путин нотўғри ўйлаяпти. У бу урушга дош бера олмайди», — деди Шолц. Шу билан бирга, у «бу уруш бундан ҳам катта фалокатга айланиб қолмаслиги учун» НАТОни можарода бевосита иштирок этмаслик ҳақида огоҳлантирди. Шолц, шунингдек, Байденга Вашингтон ва Берлин ўртасидаги «жуда қийин пайтларда» «яқин ва ишончли» муносабатлар учун миннатдорчилик билдирди.
Байден ГФРнинг олий давлат мукофоти билан тақдирланди
Германия президенти Франк-Валтер Штайнмайер АҚШ президенти Жо Байденга Германиянинг олий давлат мукофоти – «Германия Федератив Республикаси олдидаги хизматлари учун» ордени, Германиянинг олий мукофоти – Катта Хочни топширди. Тақдирлаш маросими 18 октябр куни президентнинг Берлиндаги қароргоҳи – Белвю саройида бўлиб ўтди ва бу ерда Оқ уй раҳбари ҳарбий шараф билан қабул қилинди.
Ушбу воқеа ҳақида маълум қилар экан, Германия президенти канцеляриясининг таъкидлашича, Жо Байденнинг немис-америка дўстлиги ва сўнгги беш ўн йилликда асосан Байден туфайли мустаҳкамланган трансатлантик иттифоқдаги алоқалар қайд этилади. Жо Байден Германия олий давлат мукофотини катта Жорж Бушдан (1989 йилдан 1993 йилгача АҚШ президенти лавозимида ишлаган) кейинги олган АҚШнинг биринчи президентига айланади.
Байден, Шолц, Украина, Қўллаб-қувватлаш “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Хонанда Рухшона уйланмаган йигитга турмушга чиққани ҳақида сўзлаб берди
Диний қўмита Умра зиёратини ташкил қилиш учун 12 та турфирмага лицензия берди
Песков махсус ҳарбий операция қачон тугашини айтди
