Оқ уй ва Ҳаррис қароргоҳи яқинида янги хавфсизлик тузилмалари ўрнатилди

^{Фото: ABC News}
Оқ уй ҳамда АҚШ вице-президенти Камала Ҳаррис қароргоҳи, шунингдек, бошқа бир қатор муассасалар атрофида янги хавфсизлик тузилмалари ўрнатилди. Бу ҳақда The Washington Post нашри хабар берди.

“3 ноябрь куни федерал ва округ расмийлари президентлик сайловларидан кейин Вашингтонда юзага келиши мумкин бўлган тартибсизликларга тайёргарлик кўраётган пайтда Оқ уй, АҚШ Конгресси ва вице-президент Камала Ҳаррис қароргоҳи янги хавфсизлик панжаралари билан ўралган”, деб ёзади нашр.

Қайд этилишича, Махфий хизмат Ғазначилик департаменти номидаги Оқ уй мажмуаси ва Lafayette майдонининг қўшни қисмлари атрофида, шунингдек, денгиз обсерваторияси ва Ҳаррис қароргоҳи ҳудудидан ташқарида янги баланд металл тўсиқлар ўрнатган.

Вашингтондан ташқари Флорида штатида президентликка республикачи номзод Дональд Трамп сайловолди партиясини ўтказадиган Вест Палм Бичдаги конгресс маркази ташқарисида ҳам хавфсизлик чоралари кучайтирилган.

Нашрга кўра, Оқ уй яқинидаги бизнес эгалари ҳам хавфсизлик чораларини кучайтирмоқда, хусусан, ишбилармонлар эҳтимолий тартибсизликлар олдини олиш мақсадида шахсий қўриқлашни ошириб, деразалар ва кириш жойларига панжаралар ўрнатмоқда.

АҚШда президентлик сайловлари жорий йилнинг 5 ноябрь куни бўлиб ўтади. Демократик партиядан вице-президент Камала Ҳаррис, Республикачилар партиясидан эса собиқ президент Трамп иштирок этади. “Замин” янгиликларини “Facebook”да кузатиб боринг