Фото: AP / Yuki Iwamura
Камала Ҳаррис Гуам оролида Доналд Трампни ортда қолдирди, деб хабар бермоқда New York Post (NYP). Нашр бу ҳудудни сайлов кампанияси доирасида «башоратли ҳудуд» деб атади. Оролдаги овоз бериш натижалари 2004 йилдан бери ҳар бир сайловда федерал якунни акс эттирган.
Бироқ, Гуамдаги овоз бериш Ҳаррисга сайловчилар коллегиясида қўшимча овоз бермайди, чунки орол штат эмас.
Трамп ғалабасини кутаётган инвесторлар кайфияти фонида биткоин рекорд даражага кўтарилди
Сармоядорларнинг Доналд Трампнинг ғалабасини кутаётгани муносабати билан биткоин нархи Осиёдаги савдоларда рекорд даражага кўтарилди, деб хабар берди Reuters. Криптовалюта курси 7 фоизга ошиб, 75 060 долларни ташкил этди ва март ойидаги энг юқори чўққисидан ошиб кетди. Reuters аниқлик киритишича, Трампнинг сайловдаги ғалабаси криптовалюталарни тартибга солиш бўйича юмшоқроқ йўналишга олиб келиши мумкин.
Доналд Трамп Айдахода ғалаба қозонди
Республикачи Трамп АҚШнинг Айдахо штатидаги президентлик сайловларида яна тўрт нафар сайловчилар коллегияси овозини қўлга киритиб, ғалаба қозонди, деб хабар бермоқда AP. Худди шу прогнозлар Edison Research институти томонидан эълон қилинган. AP хабарига кўра, яна олтита овоз Айова штатида собиқ президентга ғалаба келтирди.
AP Трампнинг Жоржиядаги ғалабасини прогноз қилмоқда
AP прогнозларига кўра, сайлов бюллетенларининг 88 фоизи санаб чиқилгач, Тошкент вақти билан соат 09.10 ҳолатига кўра Доналд Трамп Жоржия штатида (51,1 фоиз) ғалаба қозонди. Камала Ҳаррис 48,2 фоиз овозга эга.
Калифорния, Айдахо, Орегон ва Вашингтонда сайлов участкалари ёпилмоқда.
CNN хабарига кўра, Трамп собиқ президентнинг қароргоҳи жойлашган Мар-а-Лагода (Флорида) сайлов натижаларини кузатаётган ўз тарафдорлари билан қисқача гаплашган. Тўқ рангли костюм ва қизил галстук таққан республикачини донорлар, оила аъзолари ва дўстлари ўраб олди. Сиёсатчи сайловолди штабидан мунтазам янгиланишларни олиб турибди.
Ҳаррис сайлов натижаларини Вашингтондаги расмий қароргоҳи — АҚШ Ҳарбий-денгиз обсерваториясида кузатди. CNN маълумотларига кўра, у Делавэр штатининг Уилмингтон шаҳридаги штаби билан телефон орқали қўнғироқлашиб турибди ва доимий алоқада, шу сабабли оиласи билан хотиржам тушлик қилган. Айни пайтда Вашингтондаги Ҳовард университети олдидаги кўчада Демократик партия номзодининг тарафдорлари унинг у ерда пайдо бўлиши мумкинлигини кутишган ҳолда рақсга тушиб, қўшиқ айтишган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Ғазода 2023 йил октябрь ойидан буён 17 мингдан ортиқ бола ҳалок бўлган...
