Фото: Getty Images
АҚШ вице-президенти Камала Ҳаррис президентлик сайловида ғалаба қозонган рақиби Дональд Трампга қўнғироқ қилиб, уни табриклади. Бу ҳақда Politico хабар берди.
Маълум қилинишича, суҳбатдошлар ҳокимиятнинг тинч йўл билан ўтказилиши ва президентнинг барча америкаликлар учун роли муҳимлигини муҳокама қилган. Суҳбат бир неча дақиқа давом этган. Трампнинг сайловолди штаби бу борада қуйидагича баёнот берди.
"Президент Дональд Трамп ва вице-президент Камала Ҳаррис телефон орқали суҳбатлашди ва уни тарихий ғалаба билан табриклади. Трамп вице-президент Ҳарриснинг бутун кампания давомида куч-қудрати, профессионаллиги ва қатъиятини юқори баҳолади ва ҳар икки етакчи мамлакатда бирлик муҳимлигини эътироф этди", дейилади баёнотда.
Камала Ҳаррис унга овоз берганларга миннатдорлик билдириб, натижалар у кутганидай бўлмаганини айтди.
"Биз бу сайлов натижаларини тан олишимиз керак. Аввалроқ мен Трамп билан гаплашиб, уни ғалабаси билан табриклаган эдим. Мен унга ва унинг жамоасига ҳокимиятни топширишда ёрдам беришимизни ва бу жараённи тинч йўл билан амалга оширишимизни айтдим. Мен сайловдаги мағлубиятимни тан оламан, аммо бу кампаниянинг ҳаракатлантирувчи кучига айланган курашнинг мағлуб бўлганини тан олмайман", деди Ҳаррис.
У аёллар ҳуқуқлари ва бошқа муҳим масалалар борасида курашишда давом этишини таъкидлади:
"Қўл қовуштириб ўтириш вақти эмас, енг шимариб ишга киришиш пайти", дея қўшимча қилди у.
АҚШда 5 ноябрь куни бўлиб ўтган сайловларда Трамп ғалаба қозониш учун керакли бўлган 270 дан ортиқ овозни йиғди. Гарчи жорий натижалар дастлабки бўлса-да, республикачи керакли миқдорда овоз тўплагани аниқ. АҚШнинг 47-президенти инаугурацияси 2025 йил 20 январда бўлиб ўтади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хитой космик станциясида тажрибадан ўтган зайтун данаклари Ерда униб чиқди
