Эфиопияда фавқулодда ҳолат эълон қилинди

Эфиопия ҳукумати мамлакатда намойишлар давом этаётгани муносабати билан фавқулодда ҳолат тартиби жорий этилгани ҳақида эълон қилди. Бу ҳақда "Кун" нашри хабар берди.

«Фавқулодд ҳолат шунинг учун жорий этилдики, ҳозирги вазият мамлакат аҳолиси учун таҳдид солмоқда», — деган Эфиопия бош вазири Хайлемариам Десалень.

Октябрь ойи бошида Эфиопия мухолифати ҳукуматга қарши уюштирган акция чоғида юзага келган тиқилинчликда 100дан ортиқ киши ҳалок бўлганди.

Мухолифат вакиллари полиция намойишчиларга қарши кўзни ёшлантирувчи газ қўллаганидан сўнг одамлар тартибсиз чекина бошлаган, бунинг натижасида кўплар оёқ остида қолиб кетгани ҳақида маълум қилганди. «Замин»ни Telegram’да ўқинг!