Фото: CBP Photography
Мексика россиялик туристларнинг мамлакатга киришига рухсат бермай қўйди — бунга улар ноқонуний равишда АҚШга ўтиб кетишлари мумкинлиги сабаб бўлмоқда, деб хабар беради Россия туризм саноати иттифоқи.
Маълумотларга кўра, 14 та туроператор мазкур масала бўйича Мексиканинг Россиядаги элчиси Эдуардо Вилегас Мегиасга коллектив мурожаат йўллаган.
«Афсуски, турларнинг пулини тўлаб, меҳмонхоналарни банд қилиб, қайтиш чипталари ва бошқа зарур ҳужжатлар билан келган фуқароларни Мексикага киритмаслик ҳолатлари кўпайди», — дейди «Кариб клуби» туризм компанияси директори Лада Попело.
Унинг сўзларига кўра, мексикалик чегарачилар ваучерда кўрсатилган меҳмонхонага шунчаки қўнғироқ қилиб ва биринчи дуч келган одамдан «жой банд қилинган ёки қилинмаганини» сўраши, аммо у бундан бехабар бўлиши ёки туристнинг фамилиясини билмаслиги мумкин, натижада, сайёҳ паспорт назоратида уйига қайтариб юборилади.
«Ванд» туроператори бўлими бошлиғи Ирина Овченникованинг айтишича, бир неча кун олдин фарзанди билан борган оила мамлакатга киритилмаган. «Туристлар Россияга қайтишлари бўйича ҳатто кафолат хати ҳам бор эди, аммо бу ёрдам бермади», — дейди у.
Шу билан бирга, туристлар мамлакатга киритилмаса, туроператорлар чегара хизматининг қарори бўйича жавобгар эмас.
Жорий йил баҳорида Россия Туроператорлар ассоциацияси Turkish Airlines орқали Мексикага учган уч нафар россиялик мамлакатга киритилмагани тўғрисида хабар берганди. Улар ҳеч қачон Америка, Канада ёки Англияда бўлмагани туфайли чегарадан ўтказилмаган. Кейинроқ Turkish Airlines Россиядан Мексикага учрадиган самолётлари учун чипталар сотувини тўхтатди.
Украинага қарши уруш ва Россияда сафарбарлик бошланганидан кейин Туркия орқали Мексикага борувчилар, у ердан эса АҚШга ўтиб кетаётганлар сони кескин ошди. 2022 йил 1 октябрдан 2023 йил августига қадар Америка суд тизимига рус тилида сўзлашувчи фуқаролардан 41,6 мингдан ортиқ бошпана сўралган мурожаат келиб тушган. 2023 йилнинг бошидан бери эса бундай сўровлар сони 2021 йил билан таққослаганда 1500 фоизга ошган. Уруш бошланишидан олдин РФ фуқаролари орасида АҚШдан бошпана сўровчилар сони 2,4 мингдан 3,4 минг атрофида бўлган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия мудофаа вазири Андрей Белоусов КХДР раҳбари билан учрашди
Сурия президенти Башар Асад мураккаб вазиятга изоҳ берди
Қайси навли мандаринлар энг ширин бўлади?
Қон босимини қандай қилиб доим меъёрда ушлаб туриш мумкин?
Украиналик аскарлар Россия билан музокаралар олиб боришни исташмоқда
АҚШ Грузия билан стратегик ҳамкорликни тўхтатди
Навоийда пора олган ИИБ ходими озодликдан маҳрум қилинди
Суриянинг Ҳалаб шаҳри исёнчилар томонидан деярли бутунлай босиб олинди
