Чеченистон президенти Рамзан Қодиров беш нафар оила аъзоларини мукофотлади

^{Фото: «Чечня сегодня»}
Чеченистон ҳукуматининг 2024 йил якунларига бағишланган йиғилишида республика раҳбари Рамзан Қодиров ҳукуматнинг бир гуруҳ ўрнак кўрсатган аъзоларини мукофотлади. Бу ҳақда «Чечня сегодня» («Чеченистон бугун») нашри хабар берди.

Эътиборли жиҳати, тақдирланганларнинг беш нафари Қодировлар оиласининг аъзолари ҳисобланади.

Хусусан, ҳукумат мукофотлари билан тақдирланганлар қуйидагилар:

• Айшат Қодирова (ҳукумат раиси ўринбосари) — «Хизмат кўрсатган ижтимоий соҳа ходими» унвони;
  
• Хадича Қодирова (республика ва ҳукумат раҳбари маъмурияти раҳбарининг биринчи ўринбосари) — «Хизмат кўрсатган ёшлар сиёсати ходими» унвони;
  
• Аҳмат Қодиров (Чеченистон жисмоний маданият ва спорт вазири) — «Хизмат кўрсатган жисмоний маданият ходими» унвони билан;
  
• Ҳамзат Қодиров (Чеченистон хавфсизлик кенгаши котиби) — Чеченистон Республикасига кўрсатган хизматлари учун» медали;
  
• Табарик Қодирова («ИРС ГРУПП» компаниялари гуруҳи таъсисчиси) — «Меҳнатда ўрнак кўрсатганлик учун» фахрий нишони билан тақдирланган.
  

“Замин” янгиликларини “Telegram”да кузатиб боринг