Араб шайхларининг соҳибжамол рафиқалари қандай соҳаларда фаолият юритади?

Шарқнинг олижаноб аёллари сиймосида мўтадил, ғайриоддий гўзаллик ва жуда ақлли малика яширинган. Баъзан уларнинг ҳар бири худди эртакдагидек турли мамлакатлардан олиб келинган бўлади. Келиб чиқиши оддий оилаларга тақалувчи араб шайхларининг севимли рафиқалари қандай кўринишда?

Саудия Арабистони қироличаси Фотима Кулсум Зохар

^{Фото: Wday}
Фотиманинг тақдири чиндан ҳам ҳақиқий жумбоқ бўлиб, у ҳеч қандай насл-насабга эга бўлмаган оддий оилада дунёга келган қизалоқ эди. Фотиманинг бор бойлиги унинг гўзаллигида ҳам бўлиши мумкин. Айнан чиройи туфайли Яқин Шарқнинг ҳукмдорларидан бирининг рафиқасига айланишга муваффақ бўлди.

Қиролнинг 31-рафиқаси бугун давлатнинг биринчи рақамли бекасига айланган. Фотима шов-шувларни ёқтирмайди, иложи борича жамиятдан қочишга уринади. Айтганча, қиролича шарқона услубни афзал кўради. Расмий зиёфатларда вақти-вақти билан кўриниш берадиган Фотима либосларнинг нафислиги, нозик диди ва гўзаллиги билан барчани ҳайратга солади.

Шайха Хайя Бинту Хуссейн Ал-Мактум

^{Фото: Wday}
Фотимадан фарқли ўлароқ Хайя қироллик оиласининг вакили, унинг отаси Иордания ҳукмдори. У Дубай шайхининг иккинчи рафиқаси ҳисобланади ва турмуш ўртоғи билан байрамларнинг бирида учрашган. Дарҳақиқат, Оксфордда таълим олган бу аёл ўз саройининг маликасига айланган.

^{Фото: Wday}
Икки фарзанднинг онаси Хайя хайрия ишларида фаол қатнашади. Шунингдек, хоним очликка қарши курашиш фондини ҳам очди ва барча бўш вақтини мана шундай хайрия ишларига бағишлайди. Хайя европача услубда кийинишни маъқул кўради ва ижтимоий тадбирларни бирортасини ҳам ўтказиб юбормайди.

Қиролича-полковник Рания Ал-Абдулла

^{Фото: Wday}
Рания уй бекаси бўлса-да, Иордания қироли ўз рафиқасини генерал деб билади. 2004 йилда гўзал хоним расман полковник унвонини олишга муваффақ бўлган. Иордания армияси эса бундан жуда қувонган. Полковник-маликанинг тақдири ҳам анъана ва урф-одатларни бузган оташин ва жўшқин муҳаббатга мисол бўла олади.

^{Фото: Wday}
У шифокорлар оиласида дунёга келган ва Иордания шаҳзодаси ал-Абдулла билан кутилмаганда танишиб қолган, орадан 4 ой ўтиб уларнинг муносабати никоҳ билан мустаҳкамланган. Рания 4 фарзандни дунёга келтирганига қарамай, замонавий аёллардан ортда қолмайди. У шарқона кўринишга бир оз қарши. Шунинг учун ҳам замонавий услубдаги либосларни кияди. Шунингдек, ҳамиша аёллар ҳуқуқларини ҳимоя қилиб келади.

Шайха Моза Бинту Насер ал-Миснед

^{Фото: Wday}
Шарқ гўзаллигини донишмандлик билан бирлаштирган аёл. У турмуш ўртоғи Қатар амири Хамад бин Калиф ал-Тани билан учинчи рафиқа сифатида 40 йил бирга яшади. Бу даврда унга давлат лавозимлари ишониб топширилди. Шайха мамлакатдаги таълим тизми учун масъул. Оилавий муносабатлар бўйича Олий Кенгашнинг президенти этиб сайланган ва ЮNESКОда ҳам фаолият юритади.

^{Фото: Wday}
Бундан ташқари у етти нафар фарзанд тарбияси билан ҳам мунтазам шуғулланиб боради. Шайха арабларнинг мода услубини ёқтиради, шунингдек, чиройли қомати, нафислиги ва ёш кўриниши билан барча аёлларнинг ҳавасини келтиради.

Малика Аиша ал-Мактум

^{Фото: Wday}
Беларуслик Наталя Алиева талаба, официант ва ниҳоят барча қизлар каби оқ отдаги шаҳзодасининг келишини кутган қиз эди. Афсонавий, бадавлат, келишган Дубай ҳукмдорининг жияни Саид ал-Мактум мерганлик мусобақасида қатнашиш учун Минскка ташриф буюрган ва шу ондаёқ Наталянинг ошиғига айланган. Бир ҳафталик танишувдан сўнг беларус гўзалини Дубайдаги саройига рафиқа сифатида олиб кетган.

^{Фото: Wday}
Наталя исломни қабул қилди, уни эндиликда Аиша ал-Мактум деб чақиришади. Умуман олганда, қизнинг шаҳзода ҳақидаги эртакмонанд орзуси ҳақиқатга айланди. “Замин” янгиликларини “Facebook”да кузатиб боринг