Энтони Блинкен: “АҚШ Россиянинг ядро қуролидан фойдаланиши эҳтимолидан хавотирда”

^{Фото: “РИА Новости”}
АҚШ давлат котиби Энтони Блинкеннинг айтишича, Хитой Россиянинг ядровий қуролдан фойдаланиши масаласида тийиб турувчи ролини ўйнаши мумкин. Блинкен бу масалани жиддий мавзу деб ҳисоблашини маълум қилди.

“Россиянинг ядро қуролидан фойдаланиш эҳтимоли 5 фоиздан 15 фоизгача ошган бўлса ҳам, бундан жиддийроқ нарса йўқ”, деди Блинкен Financial Times нашрига берган интервьюсида.

2024 йилнинг 19 ноябрь куни Владимир Путин мамлакатнинг ядровий тийиб туриш борасида янгиланган давлат сиёсати асосларини тасдиқлади.

Янги доктринага кўра, ядровий давлат томонидан қўллаб-қувватланадиган ядровий бўлмаган давлатнинг тажовузкорлиги уларнинг Россия Федерациясига қўшма ҳужуми деб ҳисобланади.

Янгиланган доктринада қайд этилишича, агар “стратегик ва тактик самолётлар, қанотли ракеталар, дронлар, гипертовушли ва бошқа самолётларнинг мамлакатга учирилиши ҳақида ишончли маълумотлар мавжуд бўлса”, Москва ядровий жавоб чораларини кўриб чиқади.

Шунингдек, Россия иттифоқ давлати аъзоси сифатида Беларусга қарши тажовуз содир бўлган тақдирда ядро қуролидан фойдаланиши мумкинлиги ҳам келишиб олинди.

Бундан ташқари, доктринага кўра, агар “Россия суверенитети ва оддий қуроллар учун жиддий таҳдид” мавжуд бўлса, Россия ядро қуролидан фойдаланиши мумкин.

Янги доктрина АҚШ Украинага узоқ масофали ракеталар билан Россия ҳудудига чуқур зарба беришга рухсат берганидан кўп ўтмай эълон қилингани ҳам аҳамиятга молик. “Замин” янгиликларини “Одноклассники”да кузатиб боринг