Белгия миллий терма жамоасининг собиқ футболчиси Раджа Наингголан душанба куни Антверпен порти орқали кокаин контрабандаси бўйича тергов доирасида ҳибсга олинди, дея хабар бермоқда Бельгия ОАВи Брюссел прокуратурасига таяниб.
Таъкидланишича, бутун мамлакат бўйлаб полиция томонидан ўтказилган рейдлар давомида таниқли футболчидан ташқари яна бир неча киши қўлга олинган.
“Текширув кокаиннинг Жанубий Америкадан Европага Антверпен порти орқали олиб келингани ва Белгияда тарқатилиши билан боғлиқ бўлган ҳолатларга тегишли”, — дейилади прокуратура баёнотида.
36 ёшли Наингголан Антверпенда туғилган ва Италиянинг "Рома" ва "Интер" каби етакчи клублари ҳамда Бельгия терма жамоасида ўйнаб, дунё миқёсида шуҳрат қозонган.
Наингголан терма жамоа сафида 30 марта майдонга тушиб, жами 6 та гол урган.
2021 йилда Наингголан Бельгия иккинчи дивизиони жамоаси билан шартнома имзолаб, Италиядан ватанига қайтганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
