Илон Маск раҳбарлигидаги инвесторлар консорциуми OpenAI директорлар кенгашига ChatGPT чатботини назорат қилувчи нотижорий ташкилотни 97,4 миллиард долларга сотиб олиш учун ариза киритди, деб ёзади The Wall Street Journal.
OpenAI раҳбари Сэм Алтман Х ижтимоий тармоғи орқали ушбу таклифга жавоб қайтарди: «Йўқ, раҳмат, аммо хоҳласангиз биз Twitterʼни 9,74 миллиард долларга сотиб олишимиз мумкин. Илон Маск Twitterʼни 2022 йилда 44 миллиард долларга сотиб олган ва унинг номини Х’га ўзгартирган эди.
Маск OpenAI’нинг ҳаммуассисларидан бири (у 2018 йилда компания директорлар кенгашини тарк этган) бўлиб, у компаниянинг тижорий фаолиятга ўтишига қаршилик билдирган. Маск компаниянинг тижоратлаштирилиши бўйича OpenAI ва Алтманни судга берган. Унинг фикрича, OpenAI де-факто Microsoftʼнинг ёпиқ кодли шуъба компаниясига айлантирилган.
«OpenAI учун очиқ бирламчи кодга қайтиш вақти келди», — дейди Маск.
Бизнесмен унинг X.AI сунъий интеллект стартапини (2023 йил мартда яратилган) қўллаб-қувватлаган, битимдан кейин у OpenAI билан бирлашиши мумкин. Шунингдек, у бир қанча инвесторлар, жумладан, Valor Equity Partners, Baron Capital, Atreides Management, Vy Capital, 8VC ва бошқаларнинг қўллаб-қувватловини олган.
Январ ойида бизнесменнинг адвокати Марк Тоберофф Калифорния ва Делавер (OpenAI рўйхатдан ўтказилган манзил) бош прокурорларига мактуб йўллаб, унинг улушини сотиш бўйича аукцион ўтказилишини сўраган. Ўз навбатида OpenAI Маскнинг ҳуқуқий эътирозларини асоссиз деб атаган. Декабр ойида компания Маск OpenAI’нинг тижорий тузилмага айлантирилишини қўллаб-қувватлагани, аммо назоратни қўлга кирита олмагани боис ундан кетгани келтирилган ҳужжатларни эълон қилди.
Инаугурациянинг эртаси куни Доналд Трамп ва Алтман Америка маълумотларни қайта ишлаш марказларига кейинги тўрт йилда 500 миллиард долларгача инвестиция киритишни назарда тутувчи лойиҳани тақдим этди. Трамп билан қалин алоқага эга бўлса-да, Маск унда иштирок этмади. Кейинроқ у Алтманни фирибгар деб атади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
