Фото: AFP
АҚШ президенти Доналд Трамп Германия Бундестагига сайловнинг дастлабки натижаларига муносабат билдирди. Сайловда Христиан-демократик иттифоқ (ХДИ) ва Христиан-социал иттифоқ (ХСИ) блоки 28,5 фоиз овоз тўплади. Оқ уй раҳбари ўз изоҳини 23 феврал, якшанба куни Truth Social ижтимоий тармоғида эълон қилди.
«Афтидан, Германиядаги консерватив партия жуда муҳим ва узоқ кутилган сайловда ғалаба қозонди», деб ёзди Америка етакчиси. «Қўшма Штатлар каби Германия халқи ҳам кўп йиллар давомида ҳукм сураётган бемаъни кун тартибидан, айниқса энергия ва миграция масалаларидан чарчаган», деб қўшимча қилди Трамп.
У 23 феврални Германия ва АҚШ учун — ўзи раҳбарлигидаги «буюк кун» деб атади. «Ҳаммани табриклайман — олдинда ҳали кўп ғалабалар бор», — дея хулоса қилди Америка давлати раҳбари.
Австриянинг ҳукмрон партияси бош котиби Мерцни табриклади
Айни пайтда ҳукмрон Австрия Халқ партияси (АХП) бош котиби Кристиан Штокер ҳам ХДИ/ХСИдан канцлерликка номзод Фридрих Мерцни табриклади.
«Австрия каби Германия ҳам кўплаб муаммоларга дуч келмоқда ва шундай пайтда қатъий ҳаракат қилиш ва бизнес мавқеини мустаҳкамлаш зарур. Фридрих Мерцнинг сайловдаги ғалабаси демократик марказнинг ҳам ғалабасидир», деб таъкидлади Австриянинг эҳтимолий бўлажак канцлери.
«Мен ХДИ/ХСИни ушбу ажойиб натижа билан чин қалбимдан табриклайман ва партиямиз оиласи доирасидаги ҳамкорликни интиқлик билан кутаман», деб қўшимча қилди у.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
