3 март, душанба куни чоп этилган «Слідство.Інфо» нашрининг «Виканинг сўнгги топшириғи» суриштирув филмида 2023 йил ёзида Россия томонидан қўлга олинган украиналик журналист Виктория Рошчина шафқатсизларча қийноққа солингани айтилади. Унинг танасида пичоқ жароҳатлари бўлган, журналистнинг вазни 30 килограммгача бўлган ва Россия колонияси ходимлари уни текширувлардан яширган, дея таъкидлайди украиналик суриштирувчилар.
"Слідство.Інфо" журналистлари «Суспільне» телеканали ва "Грати" дастуридаги ҳамкасблари ҳамда «Чегара билмас мухбирлар» ташкилоти билан биргаликда россияликлар аввалига Рошчинани Запорижжя вилоятининг босиб олинган ҳудудидаги ноқонуний ҳибсхоналарда ушлаб туришгани, кейин эса уни Россиянинг Таганрогига олиб кетишганини аниқлади.
Суриштирувчилар унинг камерадошидан Мелитопол ва Энергодар ҳамда Таганрог 2-сонли тергов ҳибсхонасида у билан нима содир бўлганлиги ҳақида кўрсатма олишди: у қийноққа солинган, журналистнинг танасида яралар бор эди. «Мен унинг танасида бир нечта пичоқ жароҳатларини кўрдим — аниқ қўли ва оёғида. Унинг қўли ва тирсаги ўртасида юмшоқ тўқималарда янги чандиқ бор эди. Ва чандиқ тахминан уч сантиметр эди», дейди унинг камерадоши. Рошчина электр токи билан ҳам қийноққа солинган. «Мен уни бир неча марта электр токи билан қийноққа солишганини биламан», деб эслайди камерадоши ва ток Викториянинг қулоғига улаб қўйилган бўлиши мумкинлигини таъкидлайди.
Рошчина 30 кггача вазн йўқотган
"У доимо ёрдам сўрарди. Аввалига у ошқозонида муаммо борлигини ва иситмаси борлигини айтди. Кейин аёллар унинг жуда озаётганини пайқашди. Вика 30 килограммгача вазнга эга эди. Мен унга ўрнидан туришга ёрдам берардим, чунки у шундай ҳолатда эдики, ҳатто бошини кўтара олмасди", — деб эслайди Рошчинанинг камерадоши.
Унинг сўзларига кўра, Россия омбудсмани томонидан колонияни текшириш чоғида Виктория яшириб қўйилган, кейин эса бошқа қаватдаги ёпиқ хонага кўчирилган. Украиналик журналистни охирги марта 2024 йил 8 сентябрда камерадан номаълум жойга олиб кетишганида кўришган.
Аввалроқ "Слідство.Інфо" сайти журналистлари Мариупол мудофааси пайтида Украинанинг бошқа ҳимоячилари билан бирга асирга олинган денгизчи Инга Чекинда ҳақида гапириб беришганди. Инга бир йилдан кейин Виктория Рошчина сақланаётган Таганрог тергов ҳибсхонасида ўтирган. Унинг сўзларига кўра, руслар қамоқхонада одам ўлчамидаги катта печ қуриб, украиналик маҳбусларни сўроқ қилишда фойдаланган. Қамоқхона қўриқчилари аёлларни шафқатсизларча қийноққа солган, калтаклаган ва шаҳвоний ҳаракатлар қилишга мажбурлаган, дея қўшимча қилди у.
Фото: slidstvo.info
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
