Хитой товушдан тез учадиган йўловчи самолётни намойиш этди

Хитойнинг Commercial Aircraft Corporation of China (COMAC) авиасозлик компанияси товушдан тез учадиган C949 йўловчи самолёти лойиҳасини расман намойиш этди. Ушбу инновацион лайнер ҳақида South China Morning Post нашри хабар берди.

C949 – келажак ҳаво транспорти

C949 самолёти 11 минг километргача бўлган масофани босиб ўтиш қувватига эга. Бу унга, масалан, Британиядан Малайзияга тўхтовсиз парвоз қилиш имконини беради. Лойиҳага кўра, у илгари ишлаб чиқарилган Concorde самолётидан юқориroq самарадорликка эга бўлади.

Муҳим жиҳатлардан бири – товуш зарбаси баландигини 83,9 децибелгача пасайтиришдир. Бу кўрсаткич оддий соч қуритиш фени ишлаётган вақтда чиқадиган шовқин даражасига тенг. Бу эса товушдан тез парвозларга нисбатан амал қилаётган қонуний чекловларни енгишга ёрдам бериши мумкин.

Конкорддан устун жиҳатлари

C949 лайнери 168 йўловчига мўлжалланган бўлиб, бу Concorde'нинг 128 кишилик сиғимидан анча юқори. Шунингдек, C949 юқори хавфсизлик стандартларига эга бўлиши режалаштирилган. Маълумот учун, Concorde 2000 йилда Париждаги Шарл де Голл аэропорти яқинида ҳалокатга учраб, 113 киши ҳалок бўлгандан кейин тўлиқ эксплуатациядан чиқарилганди.

Технологик имкониятлар

C949 еттита ёнилғи бакига эга бўлиб, улар умумий 42 тонна ёнилғини сақлайди. Белгиланган оғирлик марказини сақлаб қолиш учун ёнилғи баклар орасида автоматик равишда қайта тақсимланади. Бу жараённи назорат қилиш учун самолёт сунъий интеллект тизими билан жиҳозланади.

2024 йилга режалаштирилган лойиҳа

COMAC компанияси 2008 йилда Хитой ҳукумати ташаббуси билан ташкил этилган ва ҳозирда АҚШ санкциялари остида қолмоқда. Товушдан тез C949 лайнери 2049 йилга қадар, яъни Хитой Коммунистик партиясининг юз йиллик юбилейига мўлжаллаб, фойдаланишга топширилиши режалаштирилган.

C949 лойиҳаси ҳаво транспорти соҳасида янги инқилоб бўлиши кутилмоқда. Агар барча режалар муваффақиятли амалга ошса, ушбу лайнер товушдан тез учадиган ҳаво қатновларига нисбатан мавжуд чекловларни йўққа чиқариб, авиация индустриясида янги даврни бошлаб бериши мумкин. “Замин” янгиликларини “Telegram”да кузатиб боринг