Трамп маъмурияти Қримни Россия назоратида деб тан оладими?

Bloomberg'нинг 18 апрел куни тарқатган маълумотига кўра, АҚШ президенти Доналд Трамп маъмурияти Украина бўйича кенгроқ тинчлик келишуви доирасида Қрим устидан Россия “назорати”ни тан олишга тайёр.

Бироқ агентлик таъкидлашича, бу масалада ҳали расмий қарор қабул қилинмаган. Оқ уй ҳам, Давлат департаменти ҳам изоҳ беришдан тийилди.

Қрим – музокаралардаги энг нозик нуқта

14 апрел куни Трамп маъмуриятининг махсус вакили Стивен Уиткофф Fox News телеканалига қилган баёнотида шундай деган эди:

“Путин тинчлик истаяпти. Лекин бу можародаги энг катта муаммо — Россиянинг Қрим, Донецк, Луханск, Запорижжя ва Херсон устидан талаб қилаётган назорати.”

Зеленский рад этди: “Ҳеч ким Украина халқидан ташқари қарор қабул қила олмайди”

Эртаси куни, Одессада ўтказилган матбуот анжуманида Украина президенти Володимир Зеленский ушбу фикрларга жавоб қайтарди:

“Барча ҳудудлар Украина унитар давлатига тегишли. Шунинг учун давлатимиз ҳудуди ҳақида фақат Украина халқи гапириши мумкин.”

Халқаро муносабатларда янги босқич бошланмоқдами?

АҚШ–Россия муносабатлари, Украина можароси ва Қримнинг геосиёсий мақоми борасидаги бундай ҳужжат эҳтимоли халқаро майдонда катта баҳсларга сабаб бўлиши мумкин. Агар Вашингтон Қримни Россия назоратида деб тан олса, бу:

- Украина суверенитетига зарба,
- НАТО иттифоқида қарама-қаршилик,
- Бошқа можороли ҳудудлар учун прецедент яратиши мумкин.

Сиз нима деб ўйлайсиз: тинчлик учун ҳудуддан воз кечиш — бу ечимми ёки хатарми? «Замин»ни Telegram’да ўқинг!