Жанубий Кореянинг собиқ президенти пора олишда айбланди

Жанубий Корея прокуратураси мамлакатнинг собиқ президенти Мун Чже Инни пора олишда айбламоқда. Yonhap ахборот агентлигига кўра, у ўзининг собиқ куёви авиакомпанияга ишга жойлашишига ёрдам берганликда гумон қилинмоқда.

Тергов маълумотларига кўра, Мун Чже Ин ва унинг қизи Да Хе 2018 йилда Thai Eastar Jet авиакомпаниясидан пора олиб, қизнинг эри, жаноб Сони ушбу авиакомпанияда лавозимга тайинлашган. Жаноб Со айнан авиакомпания асосчиси Ли Санг-Жик Корея кичик ва ўрта бизнес ҳамда стартаплар агентлиги раҳбарлигига тайинланганидан кейин компаниянинг бош директори лавозимига ўтган.

Қайд этилишича, Ли Санг-Жик ҳам порахўрлик ва ишончни суиистеъмол қилишда айбланмоқда. Прокурорлар Лининг агентликка ўтказилиши Со томонидан авиакомпанияга ишга қабул қилиниши эвазига амалга оширилган деган фикрда. Бу жараёнда жаноб Сонинг авиасоҳада ҳеч қандай тажрибаси бўлмагани эътиборга олинмоқда.

Маълум бўлишича, жаноб Со авиакомпанияда иш бошлаганидан сўнг, Мун Чже Ин қизининг оиласига молиявий ёрдам кўрсатишни тўхтатган. Прокуратуранинг маълумотига кўра, собиқ президент компаниядан иш ҳақи ва бошқа имтиёзлар шаклида тахминан 223 миллион иен (тахминан 151 959 АҚШ доллари) миқдорида маблағ олган.

Мун Чже Ин 2017 йилдан 2022 йилгача Жанубий Корея президенти бўлган. «Замин»ни Telegram’да ўқинг!