Оқ уй матбуот котиби Каролин Левитнинг маълум қилишича, АҚШ Исроил ва ҲАМАС ўртасида 60 кунлик сулҳни кўзда тутувчи янги ўт очишни тўхтатиш режаси устида музокараларни давом эттирмоқда.
“Менимча, ҲАМАСнинг бу таклифни қабул қилгани АҚШ президентининг кеча Truth Social платформасида эълон қилган кескин баёнотидан сўнг содир бўлгани бежиз эмас,” — деди Каролин Левит Вашингтондаги матбуот анжуманида.
Оқ уй вакиллари қўшимча тафсилотларни ошкор қилмаган бўлса-да, музокаралар давом этаётгани тасдиқланди. Таклиф қилинган сулҳ режаси минтақадаги кескин вазиятни юмшатиши мумкинлиги айтилмоқда.
Исроил ва ҲАМАС ўртасидаги қуролли тўқнашувлар юзлаб тинч аҳолининг ҳаётига зомин бўлган. Халқаро ҳамжамият эса урушни тўхтатиш ва гуманитар ёрдам кўрсатишни талаб қилиб келмоқда.
АҚШ раҳбарияти Ғазодаги инқирозни юмшатиш бўйича дипломатик саъй-ҳаракатларни давом эттираётганини яна бир бор таъкидлади.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
