Трамп: «Менинг мақсадим — урушларни тўхтатиш»

АҚШ президенти Дональд Трамп урушларни тўхтатиш ва Украинадаги низога барҳам бериш ниятида эканини маълум қилди.

У бу ҳақда америкалик журналист Марк Левин билан суҳбат чоғида сўз очди.

«Мен бу ишни қилишни яхши кўраман. Мен учун урушларни тўхтатиш муҳим», — деди Трамп. Украинадаги вазиятга тўхталар экан, у қўшимча қилди: «Ўртамизда океан бор. Биз бу можарода унчалик фаол иштирок этишимиз шарт эмасди. Агар урушга чек қўйиш имкони топилса, бу жуда катта ютуқ бўлади».

Шунингдек, Трамп Ҳиндистон ва Покистон ўртасидаги келишмовчиликни бартараф этгани ҳамда яна бир қатор низоларни ҳал қилгани учун янада нуфуз қозонганини таъкидлади.

Чарос Заркараева

«ЗАМИН.УЗ» муҳаррири