АҚШнинг Висконсин штатида яшовчи бир киши ўзини ҳалок бўлгандек кўрсатиб, чет элда севгилиси билан учрашиш мақсадида мамлакатдан қочгани маълум бўлди. Peopletalk'нинг ёзишича, энди у қарийб уч ойни қамоқда ўтказишига тўғри келади.
Маълумотларга кўра, у байдаркада чўкиб кетгандек қилиб, хотини ва уч нафар фарзандини ташлаб, Жоржия штатида яшовчи бир аёл билан учрашиш учун йўлга чиққан. Кейин эса мамлакатдан қочиб кетган.
Суд жараёнида у ҳуқуқ-тартибот органларидан маълумотни яширгани учун айбдор деб топилди ва 89 кунлик қамоқ жазосига ҳукм қилинди. Қизиғи шундаки, жазо муддати унинг одамларни 89 кун давомида алдаган вақт билан бир хил.
Шунингдек, у терговчилар уни қидириш учун сарфлаган меҳнати ва харажатлари учун 30 минг доллар тўлашга рози бўлди. “Мен ўша кеча қилган ишимдан ва оилам ҳамда дўстларимга етказган оғриқдан чуқур афсусдаман”, — деди у судда.
Текширув давомида унинг йўқолишидан бир неча ой аввал янгидан паспорт олгани маълум бўлди. Бу ҳолат терговчиларга унинг мамлакатдан қочиш учун ўз ўлими ҳақида махсус сценарий тузганига ишора қилди.
«Замин»ни Telegram’да ўқинг!
