Америка Қўшма Штатлари раҳбари Доналд Трамп яқин келажакда Россия, Украина ва АҚШ ўртасида уч томонлама учрашув ўтказилишига ишонч билдирди. Бироқ у икки томонлама Киев ва Москва саммитига ҳеч қандай ишонмаётганини очиқчасига баён қилди, деб ёзади Daily Caller.
Трампнинг таъкидлашича, режалаштирилаётган учрашув давлат раҳбарлари даражасида бўлиши ёки йўқлиги ҳали аниқ эмас. АҚШ президенти ўз шубҳаларини изоҳлар экан, Россия ва Украина ўртасидаги урушни болаларнинг майдондаги узоққа чўзилган жанжалларига қиёслади.
«Вақт ўтиши билан улар барибир тўхташдан мамнун бўлишади, тушуняпсизми? Бу ҳолат деярли ўхшаш. Баъзан уларни тинчлантириш учун бироз курашишга тўғри келади. Лекин бу жанг жуда узоқ давом этмоқда. Минглаб одамлар ҳалок бўлди», — дея таъкидлади Трамп.
Оқ уй раҳбари Овал кабинетда Daily Caller мухбирига берган суҳбатда яна бир бор Вашингтон Украинага ўз қўшинларини юбормаслигини урғулади. Унга кўра, хавфсизлик кафолатлари асосан Европа давлатлари зиммасига тушади, АҚШ эса ёрдам ва қўллаб-қувватлаш билан чекланади.
«Замин»ни Telegram’да ўқинг!
