Париждаги қадимий қасрлардан бирида 400 йил олдин йўқолган Рубенс асари тасодифан топилди. Бу ҳақда Franceinfo телеканали расмий хабар берди.
Маълум бўлишича, XVII асрнинг биринчи чорагига тегишли Питер Пол Рубенснинг машҳур “Хочдаги Масиҳ” картинаси 2024 йил сентябрь ойида инвентаризация жараёнида аниқланган. Бу ҳақда Осенат аукцион уйи директори ва аукционери Жан-Пьер Осен ўз фикрларини билдириб, “Мен бу улкан дурдона — ‘Хочдаги Масиҳ’ни инвентаризация пайтида топиб олдим” деб таъкидлади.
Картина 1613 йилда яратилган бўлиши мумкин, деб тахмин қилинмоқда. У Парижнинг 6-округидаги қасрни текшириш пайтида қайта учраган. Бу кашфиёт санъатшунослар ва тарихчилар учун катта қизиқиш уйғотди. Асар нафақат эстетик қийматга эга, балки XVII аср санъат тарихи ва Рубенс ижодининг ривожланиши ҳақидаги билимларимизни ҳам бойитади.
Эслатиб ўтсак, бу каби тарихий кашфиётлар аввал ҳам юз берган эди. Масалан, Ўрта ер денгизи тубида XVI асрга тегишли чўкиб кетган кеманинг қолдиқлари топилган. Мутахассислар фикрига кўра, мазкур кема Италиянинг шимоли-ғарбидаги портдан чиқиб, сузиб кетган бўлиши мумкин эди. Бу ҳам шундай тасодифий кашфиётлар қаторида санъат ва тарихга қизиқувчилар учун аҳамиятли саналар қаторига кирган.
Рубенснинг ушбу “Хочдаги Масиҳ” асари бутун Европа санъатшунослари ва коллекционерлари орасида катта қизиқиш уйғотди. Бу кашфиёт Париж ва бутун дунёдаги санъат мухлислари учун катта воқеа бўлиб, тарихий санъат асарларини сақлаш ва тиклаш масалаларига эътиборни янада оширмоқда.
«Замин»ни Telegram’да ўқинг!
