Буюк Британия ва АҚШ ядровий энергияни ривожлантириш бўйича янги келишув тузмоқда. Битим минглаб иш ўринлари яратиши ва Британиянинг энергия хавфсизлигини мустаҳкамлаши кутилмоқда. У АҚШ Президенти Доналд Трамп ташрифи чоғида имзоланади.
Келишув ядро қурилмаларни қуришга рухсат бериш жараёнини тезлаштиришни кўзда тутади. Агар ядро қурилмалар бир мамлакатда хавфсизликдан ўтса, иккинчисида ҳам тасдиқ олиш осонлашади.
Шунингдек, Хартлепул шаҳрида 12 та янги ядро қурилма қурилиши режалаштирилмоқда. Бу лойиҳа 1,5 миллион хонадонни электр билан таъминлаши ва минглаб иш ўринлари яратиши мумкин.
Аммо экологлар бу ташаббусни танқид қилмоқда. Уларнинг айтишича, бундай лойиҳалар жуда қиммат ва узоқ давом этади, натижада электр нархлари кўтарилиши мумкин.
«Замин»ни Telegram’да ўқинг!
