Европа Иттифоқи доирасида Россияга қарши навбатдаги — 19-санкция пакетини қабул қилиш масаласи мураккаб жараёнга айланди.
EUObserver нашри маълумотича, ЕИнинг Доимий вакиллар қўмитаси элчилари ушбу масала бўйича муҳокамани шу ҳафта, 26 сентябрь куни Брюсселда бошлайди.
Янги пакет доирасида Европа Комиссияси Россия, Ҳиндистон ва Хитой компаниялари учун экспорт назоратини кучайтиришни таклиф қилмоқда. Шунингдек, айрим кимёвий моддалар, руда, металл ва тузларни экспорт қилиш тақиқланиши мумкин.
ЕКнинг таклифларида Россиянинг ҳарбий-саноат тармоғига ёрдам берганликда гумон қилинган учинчи давлат компанияларига, жумладан Хитой фирмаларига нисбатан санкциялар қўллаш ҳам назарда тутилган. Шу билан бирга, Россиянинг “Мир” тўлов тизимига чет элда чеклов чоралари жорий этиш режалаштирилмоқда.
Бундан ташқари, “Роснефть” ва “Газпром нефть” иштирокидаги барча операцияларни бутунлай тақиқлаш ҳамда Россия ва бошқа давлатлардаги бир қатор банкларга нисбатан чекловларни кучайтириш масаласи ҳам кўриб чиқилмоқда.
«Замин»ни Telegram’да ўқинг!
