Бугун, 26 сентябрь куни Нью-Йорк шаҳридаги БМТ Бош Ассамблеясида Исроил бош вазири Бенямин Нетаняху чиқиш қилди. Бироқ унинг нутқи кутилганидек тинч ўтмади, балки кескин муносабат ва очиқ норозиликларга сабаб бўлди.
Ассамблея залидаги кўплаб делегациялар нутқ бошланиши биланоқ ўз жойларини ташлаб чиқиб кетишди. Шу билан бирга, қолганлар орасида унинг нутқини ҳуштак ва ҳайқириқлар билан бўлиб туриш ҳолатлари кузатилди. Бу эса анжуман тарихида ёдда қоладиган ноодатий манзаралардан бирига айланди.
Шундай оғир вазиятда ҳам Бенямин Нетаняху сўзини тўхтатмади ва ўз фикрларини баён қилишда давом этди. Унинг айтишича, Ғазо сектори бутунлай халқаро ҳамжамиятга мурожаат этиш учун овоз кучайтиргичлар билан ўралган ҳудудга айланган. Исроил бош вазири ҲАМАС жангариларини қуролларини ташлаб, гаровга олинганларни озод қилишга чақирди. Нетаняхунинг таъкидлашича, Исроил бугун фақат ўзинигина эмас, балки Европа ва Америка каби йирик минтақаларни ҳам “дарвозадаги варварлардан” ҳимоя қилаяпти.
У, шунингдек, Фаластин давлатлигини расман тан олган мамлакатларни антисемитизмда айблади. Нетаняхунинг танқидига кўра, бир ҳафта ичида Буюк Британия, Франция, Канада ва Австралия ҳукуматлари Фаластинни давлат сифатида эътироф этиш ҳақида қарор қабул қилишган.
«Замин»ни Telegram’да ўқинг!
