Хитой ташқи ишлар вазири Ван И. Пекин Шимолий Корея билан биргаликда гегемонликнинг ҳар қандай кўринишларига қарши туришга тайёрлигини маълум қилди. Бу ҳақда ТАСС агентлиги хабар тарқатди.
Вазирнинг таъкидлашича, Пекин Пхеньяннинг Хитойнинг асосий манфаатлари ва жиддий ташвишларини қўллаб-қувватлашини юксак қадрлайди. Шу билан бирга, Ван И Си Цзиньпин томонидан илгари сурилган “инсониятнинг умумий келажакка эга ҳамжамияти”, глобал тараққиёт, хавфсизлик, цивилизация ва бошқарув ташаббусларини Шимолий Корея қўллаб-қувватлаётганини ҳам эътироф этди.
Унинг сўзларига кўра, Хитой ва КХДР халқаро ва минтақавий масалаларда мувофиқлашув ва ҳамкорликни кучайтиришдан манфаатдор.
Эслатиб ўтамиз, шунингдек, Давлат Думаси Ташқи ишлар қўмитаси раҳбари Леонид Слуцкий яқинда Европа Иттифоқининг ташқи ишлар ва хавфсизлик сиёсати олий вакили Кая Каллас Ғарб гегемонлигининг қулаши муқаррарлигини тан олганини таъкидлаган эди.
Бундан олдин эса АҚШ Хитойдаги ҳарбий парадни Ғарбга йўлланган сиёсий сигнал сифатида баҳолаган эди (gazeta.ru маълумоти).
“Zamin”ни Telegram'да ўқинг!
