АҚШ президенти Доналд Трамп Ғазо бўйича тинчлик музокаралари Мисрнинг Шарм аш-Шайх шаҳрида давом этаётганини билдирди. У: “Битим тузилиш имконияти жуда юқори”, деди. Музокаралар гаровдагиларни озод қилиш ва маҳбусларни алмашиш масаласига қаратилган.
Трампнинг режасига кўра, 48 нафар гаровдагини озод қилиш эвазига юзлаб фаластинликлар қайтарилиши мумкин. Томонлар келишувга эришса, Ғазога тезда гуманитар ёрдам юборилиши режалаштирилган.
Ҳамас таклифнинг айрим бандларига рози эканини билдирган, бироқ қуролларни топшириш ва сиёсий ролдан воз кечиш бўйича ҳали аниқ жавоб бермаган. Музокараларда Қатар ва Миср вакиллари ҳам иштирок этмоқда.
БМТ бош котиби ва бошқа халқаро раҳбарлар бу ташаббусни қўллаб-қувватламоқда. Шу билан бирга, Ғазода жанглар давом этаётгани ва кўплаб тинч аҳоли жабрлангани ҳақида хабарлар берилмоқда.
“Zamin”ни Telegram'да ўқинг!
