Берлинда жойлашган Россия элчихонаси биноси олдида 31 ёшли аёл пичоқ билан қўриқчиларга таҳдид қилган. Бу ҳақда Берлинер Куриер нашри полисияга таяниб хабар берди.
Воқеа Германиянинг Митте туманида содир бўлган. Гувоҳларнинг сўзларига кўра, аёл ўзини тутолмай, элчихона хавфсизлик ходимларига ҳужум қилишга уринган. У қўриқчининг юзига пичоқ тутиб, ирқчилик мазмунидаги ҳақоратли сўзлар билан бақирган.
Шу вақтда хизмат қуроли билан қаршилик кўрсатишга тайёрланган қўриқчини кўриб, аёл воқеа жойидан қочишга ҳаракат қилган. Бироқ тез орада полиция томонидан қўлга олинган.
Ҳозирда у тиббий кўрикдан ўтказилмоқда – қонида спиртли ичимлик, гиёҳванд модда ёки бошқа таъсир қилувчи воситалар бор-йўқлиги аниқланмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
