Бу ҳаракат янги бош вазир сайланишига йўл очиш мақсадида амалга оширилди. Якуний қарор Япония парламентининг қуйи палатасида бўлиб ўтадиган навбатдан ташқари сессия олдидан эълон қилинди.
Sigeru Isiba 386 кун давомида бош вазир лавозимида ишлаб, муҳим ислоҳотларни амалга оширган сиёсатчи сифатида эсда қолади. У истеъфога чиқиши билан Япония сиёсий тарихида янги саҳифа очилиши кутилмоқда.
Япония тарихида илк бор аёл бош вазир:
Янги сайловда Либерал-демократик партия раиси Sanae Takaiti бош вазир этиб тайинланиши кутилмоқда. Агар бу тасдиқланса, у Япония тарихидаги биринчи аёл бош вазир бўлади. Такаитининг номзоди парламентдаги кўпчилик томонидан қўллаб-қувватланмоқда, бу эса унинг сайланишини деярли кафолатлайди.
Овоз беришдан олдин Либерал-демократик партия “Япония янгиланиш жамияти” партияси билан алянс тузишга муваффақ бўлди. Бу келишув Такаитининг сайловда устун бўлишига ёрдам берди.
Янги ҳукумат таркиби:
Янги бош вазир куннинг охирида ҳукуматни шакллантиради. Маҳаллий ОАВларнинг хабар беришича:
- Tosimisu Motegi, аввал 2019–2021 йилларда ташқи ишлар вазири лавозимида ишлаган сиёсатчи, яна шу лавозимга қайтади.
- Sindziro Koidzumi, собиқ бош вазир Dzyun’itiro Koidzum’ининг ўғли, Мудофаа вазири бўлиши кутилмоқда. У ушбу лавозимни эгаллаган энг ёш шахсга айланади.
Японияда бу ўзгаришлар ички сиёсий барқарорликни мустаҳкамлаш ва янги ислоҳотлар сари қадам сифатида баҳоланмоқда.
“Zamin”ни Telegram'да ўқинг!
