Украина президенти Владимир Зеленский мамлакат яқин орада Tomahawk туридаги ракеталарни олиши эҳтимолини билдирди.
Унинг таъкидлашича, Украина ҳеч қачон АҚШнинг узоқ масофали қуролларини Россия ҳудудига зарба бериш учун ишлатмаган. Шу билан бирга, Киев ўзининг маҳаллий ишлаб чиқарилган қуроллари орқали 150 километрдан 3000 километргача бўлган масофадаги объектларни нишонга олиш имкониятига эга эканини айтди.
“Ҳар куни янги воқеалар рўй бермоқда. Балки эртагаёқ бизда Tomahawkлар пайдо бўлар,” — деди Зеленский журналистлар билан суҳбатида.
Украина етакчиси, шунингдек, Трамп ва Путин ўртасидаги эҳтимолий учрашув Киев иштирокисиз ўтмаслигини таъкидлади.
“Россиянинг энергетика соҳасига қарши янги санкциялар жорий этилди. Венгрияда Украинасиз ҳеч қандай учрашув бўлмайди. Ҳозирча Tomahawkлар йўқ, лекин натижа ёмон эмас, деб ўйлайман,” — дея қўшимча қилди Зеленский Евроиттифоқ саммитида.
“Zamin”ни Telegram'да ўқинг!
