АҚШ ҳарбийлари жанубий Исроилдаги саноат ҳудудида жойлашган марказдан Ғазодаги мўрт тинчликни назорат қилиш ва майдонни барқарорлаштириш бўйича халқаро куч ташкил этиш ишлари билан шуғулланмоқда. Бу марказга АҚШ, Британия ва Канада ҳарбийлари жалб қилинган, улар ёрдам ва хавфсизлик оқимини бошқаради.
Халқаро кучнинг асосий мақсади Ғазодаги урушни тўхтатишга ёрдам беришдир. АҚШ ўз қўшинларини юбормайди, лекин Миср, Индонезия ва Форс кўрфази давлатларидан аскарларни жалб қилишни режалаштирмоқда. Бироқ Араб давлатлари ва бошқа мамлакатлар куч таркибини ва вазифаларини аниқ билмасдан аскар юборишга шубҳа билан қарамоқда.
Режага кўра, икки гуруҳ ташкил этилади: бири Исроил-Ғаза чегарасини назорат қилади, иккинчиси ҳудуд ичида фаолият юритади.
Бироқ муаммолар сақланиб қолмоқда: Ҳамас қуроллардан воз кечмаган. Агар халқаро куч ташкил этилмаса ва Ҳамас қуроллардан воз кечмаса, Исроил урушни давом эттиришга мажбур бўлади. Шу сабабли халқаро кучнинг ташкил этилиши ва қўшинлар сони ҳали ҳам музокараларга боғлиқ.
“Zamin”ни Telegram'да ўқинг!
