Трамп: “150 марта дунёни йўқ қилишга қудратимиз бор”
Доналд Трамп АҚШ ядровий арсенали дунёни 150 марта йўқ қилишга етарли қувватга эга эканини айтди. У Россия ва Хитой ядро технологияларини янгилаш ҳамда яширин синовлар ўтказишни кучайтирганини таъкидлаб, Америка мудофаа устунлигини сақлаб қолиши шартлигини билдирди. Хавфсизлик бўйича мутахассислар баёнотни сиёсий босим воситаси деб баҳолаб, ядро қуролларидан фойдаланиш бутун инсоният учун фожеали оқибатларга олиб келиши мумкинлигини қайд этди.
АҚШ президенти Доналд Трамп ядровий қуроллар ҳақида янги баёнот билан чиқди, деб хабар берди CBS News. Унинг сўзларига кўра, Америка қўлидаги арсенал дунёни 150 марта йўқ қилишга етарли қувватга эга.
Трамп таъкидлашича, ядро захираси ҳануз глобал хавфсизликда ҳал қилувчи куч бўлиб турибди. Унинг фикрича, сўнгги йилларда Россия ва Хитой ядро технологияларини янгилаш ва яширин синовлар ўтказиш фаолиятини кучайтирган.
“Бундай шароитда Америка ўз мудофаа устунлигини сақлаб қолиши шарт”, — деди Трамп.
Хавфсизлик бўйича мутахассислар бу баёнотни сиёсий босим воситаси деб баҳоламоқда. Уларга кўра, АҚШнинг ядро салоҳияти ҳақиқатдан ҳам улкан, аммо унинг ишлатилиши бутун инсоният учун фожеали оқибатларга олиб келиши мумкин.
Таҳлилчилар фикрича, Трампнинг бу гаплари 2025 йилги сайловлар олдидан ташқи сиёсий таъсирни кучайтириш уриниши бўлиши эҳтимолдан холи эмас.
Изоҳлар 0
…